Ich Sigemund Hertel Brud(er) des ordens sant Johans von Jher(usa)l(e)m
vnd Comt(ur) des hawses czum heylig(e)n leichna(m) czu Breslaw beke(n)
ne mit dysem briefe das vor mich komen ist Nickel Oczel(er) mey(n)
vnd(er)sese czum newdorfe vnd hot offgeczeug(t) meyne(m) priori ey(n)
nen fierdug jerliches czinses off czween morgen erbis czwisschen
hanns winkelern vnd hanns endeln doselbst czum Newdorfe
gelegen Also das meyn prior bestell(e)n zal das vor Nickel Schul
czen vnd vor vrsula Selczeryne seyne hawssfrawe yn allen predig
ten yn der vorgenanten kirchen czu heylig(e)n leichna(m) gebet(e)n werde
Czugeb(e)n alle jar gleich ane hindernis sechse schillinge hell(er) off wey
nacht(e)n vnd sechse off sente Johans tag des tewfers Widerabe
czukewfen vor fyer mark hell(er) wene her das vormag vorseßn
czins(e)n sond(er) sunderlich den erbczins(e)n vnschedlich des czu eyme ge
czeugnis zo habe ich obengenant(er) Comt(ur) mey(n) jngsigel an dysen
brief losen heng(e)n Gegeb(e)n noch cristo geburt vierczenhund(er)t jar
vnd donoch ym eynvndnewnczigst(e)n jare am tage des heilig(e)n
lamperti des merterers