Ich Sygmund Hertel Brud(er) des Ordens sant Johanis von Jrlm vnd
Comt(ur) des hawses des leychinams xp(ist)i czu Breslaw Bekenne mit dysen
briefe das yn meyner kegenwertikeit do Grego(r) hengel Schult(e)s mit
den hyenochgeschrebn(en) Scheppen lorentz Gkymitz nickel Schenkendorff
Jacob kittel nickel ozeld vnd Cristoff Spring(er) czum Newdorfe dyng sos
sen komen ist vor geheget dyng Pawl heyncze meyn vnd(er)sese do
selbest czum newdorfe vnd hot offgericht vor dy pietancz meynen bru
dern eyne(n) firdung jerliches zinses off eynen halben morgen ackers
czwischen lorentz Smelt vnd der cleynen merteny doselbest czum
newdorfe gelegn Czugebn alle jar gleich den genantn(en) firdung hell(er)
an hindernis off sant michelo tag Widd(er) abczukawfen vmb fier
marck hell(er) wenne her das vormag vorsezen zinsen vnd sunder
lich den Erbzinsen vnschedlich des czu eynem geczeugnis zo habe
ich obengenant(er) Comt(ur) meyn Jngsigel an dysen brief lossen hengn(en)
Gegebn(en) noch Crist(i) geburt Tawsent fierhund(er)t vnd dornoch ym
fomfondnewnczigstn(en) Joren am tage des heylign(en) Blasy merterers