Ich Valentinus Eczing Comptor vnnd wir nachgeschriebene brüeder: Michael Prior: Theodoricus, Bernhardus, Schaffner: Martinus, Caspar vnnd Blasius: im namen
vnnd macht des ganczen conuents: ordens sanct Johannis hierosolymitani, des hauses zum heyligen Leichnam zu breslaw: bekennen hiemitt
diesem offene(n) brieff vor vns vnnd vnnser nachkomen: Demnach wir, in vergangener czeit, nach vndergang vnnd inebnung der Inslen
dasist: in vnnseren schweren nöten vnnd anstössen: so vns, aus abgang vnsers hauses: vnnd bedrengnus des Luterischen vbel, manichfal
tick vorgefallen: aus guttem thettigem rath: vnns sambt dem hause vnnd conuent alhie: vnder den hochwirdigen, Edlen, Wolgebornen
herren, herren Johan von Rosenbergk: des bohemischen priorats, maister, vnnsern gnedigen herren: durch vnnser brieff vnnd sigel begeben
submittirt vnnd vnderlassen haben: Vnd ferher mit der selben submission: bey dem Erbarn, Wirdigen, herren Wolffgange Penner
des bohemischen priorats stathelter: dz durch statliche folge vnnd zusage muntlich vornewen vnnd nachkomen: Deshalben haben wir
in besunderer maynung vnnd bedacht: solich vnnser submission nachmals vorschwachen: mit czeitigem zeitigem rath vnnd vorbetracht: vnns, vn(nd) vnnser
nachkomen Comptor vnnd conuent: beneben dem hause vnnd conuent, durch allem vnnd ieglichem desselben hauses aigenthum vnnd zustand
in massen: wir vor alters: den hochbenanten herren Maister, vnnd seine gnad nachkomenden maistern, des bohemischen priorats vndergeben:
submittirt vnnd vnderlassen: Vndergeben, submittirn, vnnd vnderlassen. Geloben hiemit in krafft ditz vnnsers briefs: Das
wir vnnd vnnser nachkomen, die dreissigen possessiones: so wir vorhin zur vergelding, der herren des Maisters von Politz versehen, ver
leucht: seiner gnad vnnd nachkomenden maistern in bohemen, aber irem stathelter: Jerlich auff gedinckte tagczeit: laut der stadt liuent
ausrichten vnnd geben: vnnd so offt wir aber vnnser nachkomen: auch vermög vnnser priuilegien, einen Comptor ditz hauses gewellet,
das wir alsdann bestetigung: den iczigen aber kunfftigen herren maistern in bohemen, suchen: vnnd bey thun, der gebürliche be
stettung pflegen: Vnd vor das dritte: auff gemaint general Capitel aber conuocation demselben, Comptor aber schaffner in dasselb
capittel: seiner gnad alhie hie: seyn einem obristen, suietern vnnd perrogatiuen, gehorsamlich volfulegen: Vns auch daneben, aller
seiner gnaden Comission gehorsamlich vorhalden sollen: Doch also, das vns seine gnad, sampt seinen nachkomen: zur gnedigen willn
vnnd gutte: bey den nachfolgenden, lassen wolt: Nemlich vnnser obgenante schuldner, Ihm keinen bruder aus dem conuent vnder
ziehen, beschweren, ahne vrsachung: Es wehr denn sach: das sich ein so schwerer fahl eyn vngehorsamen bruder beschehe: das den der comp
tor vnnd die brüeder nicht gestraffen mochten: so sollen sy den, seiner gnad, seiner stathelter, anczuzeigen thun: Daneben, so
ir kein brüeder: aus gehorsam aber andern anliegen, sich von diesem conuent begeben wolt: sol Ihm der comptor, mitt rath des
stathelders gnedlich erlassen: Item das wir der visitation halben: nach Innhalt der priuilegien, des homeysters, frey
vnnd vnbeschwert pleyben sollen: Vnnd zum letsten: das wir, wie wir vormals angefangen, gebew, lust, anstal, der possession,
ferner vnbeschwert bleiben sollen: Es wehr denn: das vns der homeister von Politz, aus nodt, bedorffte: Das Gott
der herr stathelder obgemeldt: in solchem vnnsern nöthen: damit wir in verdirbnus nicht gestürtzt: an stat seiner gnaden, angenohmen:
vnnd vnderteinlich zuhalden zugesagt: Des zu vrkund seint vnnserer beyder, des hauses vnnd conuents Ingesigel hirann ge
hangen: Geben zu breslaw: mitwoch nach Cantate, Nach Cristi geburt Im funfftzehenhundertem vnnd sibenundzwaintzigsten Iar,