Wir Rathmanne der stad Breslaw vonn kuniglicher gewalt vonn Behmenn haldennd unnd vorwesend die haubtmanrschaft des
furstentumbs Breslaw Bekennen unnd thun kundt offentlich mit disem brive fur ydermeniglich das vor uns gestandenn ist der Ersame Namhafte
Georg Hornigennser haubtmannd unnd hat bekant unnd anzesagt das ime die Ersamenn unnd Namhaftigen N. unnser Stadkammerer von
wegenn gemainer stad die funfhundert guldenn hungarischer inn golde unnd rechtfertig vonn gewichte vor welche er das gut unnd dorf
Thawer unnd Breslischem weichbilde gelegenn vonn dem wirdigenn unnd andechtigenn herren Comptor unnd ganczem Convent zum
heiligen Creutz inn vorlahnung gehabt hat volliglich unnd zu gutem danncke bezalet unnd vorguldenn habenn das ime doran wol ge
nuge unnd sagte sie derselbenn gancz queit frey loß unnd ledig Globende hernach gemaine stad auch das obberurte gut unnd dorf
Thawer unnd derselbenn Inwoner nit anzesprechenn nach zubeferdingenn wider gaistlich weltlich inn keine weise Dasselbe Bekentnus
loßsagung unnd alles das do vor geschrieben steet habenn wir stete unnd gancz unnd bestetigenn das vonn kuniglicher gewalt vonn
Behmenn der wir gebrauchenn mith dem kuniglichenn Ingesigel der landleute des furstentumbs zu Breslaw daso ist zu erben
unnd zu sterbenn unnd ann disenn gegennwertigenn brief gehangenn Gebenn zu Breslaw am Neundenn tage des monats Marcij
Nach Christi unnsers herrenn geburt funftzehenhundert unnd im vierczigstenn Jar Dabey seinn gewest die edlenn Heinrich Eres
Pfarrer Hanns Seidlitz George dymbach Hanns Sommerfeld Tzsastel genant Niclas Vttman unnd rochus unkirt Mathias lausnitz unnd
haubtman unnd unnsers genedigenn herrenn des kunigs vonn Behmenn mann Unnd Doctor fabianus kintler unnser obgenantenn

~Q~ mutatio d. Camerarijs
facta

~R~ ta