Wir Rathmanne der Stad Breßlaw, vonn Kuniglicher gewalt dann Behmenn, haltende unnd verwesende Die Haubtmanßaft Im Breß-
law, Bekennenn unnd thun khundt offentlich mit diesem brive fur ydermeniglich, das fur unns gestandenn ist der Ersame Namhaftige George Hön-
nig, unnser Mitfreunndt, wolgesundt leibes unnd der Sinnen, mit wolbedachtem mute, unnd hat auf der Romischen, Hungarischen, unnd Behmischen
Kuniglichenn M(ajestät), unnsers allergnedigstenn Herren befelich, unnd schreiben, recht unnd redlich abgetrettenn, unnd gentzlichenn eingereumet, den Er-
samenn unnd Namhaftigenn Herren, n(emlich) Kämmerern dieser Kuniglichenn Stad Breßlaw, Zusamdenn gemainer Stad, arm unnd reich, das gut unnd
dorff Thawer, im Breßlischenn weichbilde gelegenn, Mit allenn rechtenn, Herrschaftenn, freihaitenn, geniessenn, Nutzbarkaitenn, ein unnd Zugehoringenn,
groß unnd klein, viel oder wenig, wie diße alles, mit sunderlichenn der genantenn wortenn benannt, oder wordenn vom kleinstenn biß zum grossestenn,
unnd widerumb dauon vberall nichts außgenomenn, nach außzunemenn, allermaßenn er selbig gut unnd dorff Thawer, vonn dem Wirdigenn Herrn,
N(emlich) Compter unnd Conuent Zum Heiligen Leichnam alhie Zu Breßlaw, im widerkaufzungs unnd Pfandtschillings recht gehat, unnd er selbiger
darauf bißher hat eingeseßen unnd beseßenn, deßleichenn im gleicherweiße mit allenn denselbigenn rechtenn, Herrschaftenn, freihaitenn, Geniessenn,
ein unnd Zugehoringenn, dauon vberall nichts außgenomenn, Alßenn auch die obgemeltenn unnsere Stadtkämmerer Zusamdenn gemainer
stad, das obgemelte gut unnd dorff Thawer, furbaß Haldenn, geniessenn, gebrauchchenn, unnd nach laut des aldenn briues, so vormals daruber auß-
gangenn, unnd nicht annders besezenn, Mit voller macht Zuuorkaufenn, Zuuersetzen, Zuuorgebenn, oder Zuuertauschenn, gantz oder ines teils,
oder sunst anngemainer stad nutz unnd fromenn Zuwenden, so das der stad am bestenn gesein, unnd Zu statenn khommen mag, Auch verzeicht
sich genannter George Honnig, vor sich, seine Erbenn unnd Nachkhommen, aller unnd yder, an unnd Zuspruch, oder furderung, so er od(er) sie Zu ge-
meltem gute unnd dorffe Thawer gehabt, oder im khunftigenn Zeittenn gehabenn mochtenn, im gaistlichenn oder weltlichenn gerichtenn, oder
sunst durch ainicherley weiße. Unnd soliche Cession, abtrettung, einreumung, unnd alles das, so vorgeschribenn stet, Habenn wir
Stete unnd gantz, unnd bestettigenn die vonn Kuniglicher gewalt vonn Behmenn, der wir gebrauchchenn, mit dem Kuniglichenn Ingesigell,
der Lanndleute des furstenthumbs Im Breßlaw, das do ist Zu erbenn unnd Zu sachchen, unnd ann diesenn gegennwertigenn brieff gehangen,
Gebenn Zu Breßlaw, am Neundenn tage des monats Martij, Nach Cristi unnsers Herren geburt, funfftzehenhundert unnd in viertzigste
Jare, Dorbei seindt gewest die Edlenn Heinrichen Kitschlitz, Hanns Seidlitz, George Nymbtz, Hanns Sommerfeld, Tzsastel genannt, Noclas Beßmann,
Ambrosius Senkewitz, Mathias Panoßnitz, unnd Hanns Ammermunde, unnsers gnedigenn Herren des Kuniges vonn Behmenn mann, unnd Doctor