In nomine domini amen. Nos frater Johannes dictus Schawmfort commendator prouincialis per Boemiam et Morauiam ordinis
cruciferorum de domo theutunica hospitalis ierosolimitane recognoscimus et ad uniuersorum tam presencium quam futurorum noticiam
tenore presencium uolumus peruenire. Quod cum inclito principe domino Nicolao duce Oppauie super situ noui hospitalis ereccione
circa ciuitatem oppauie locati quod nos et ecclesia ordinis nostri beate Marie parochiali ecclesie ibidem in oppauia iurisdicioni subdebatur
beniuoli in Christo patre ac domino domino Johanne episcopo ecclesie predicte electo et confirmato olomucensi suadente honorabili uiro domino Hin
conso decano ibidem et non renuente de fratrum in nostra prouincia consilio talem fecimus ordinacionem statuentes quod dictus dux pre
dictus suique heredes et successores ipsi hospitali memorato unum capellanum ydoneum quicumque uoluerint statuere possint statuentes quod ipse
curam et regimen spiritualis iurisdicionis in eadem ecclesia per se uel per alium tenere teneatur. Insuper quod plebano ibidem pro tempore existenti quod
quocumque modo ad altare hospitalis peruenerit debet plebano predicto et hoc siue ex deuocione uel ex testamento dimittatur. Diuinum
quoque officium legendo uidelicet et cantando ac predicando libere poterit exercere nisi quod de hora consueta consilio plebani
plebi predicare ne uicissim se impediant conentur. De sepultura uero concedimus quod idem capellanus suos infirmos et fami
liares quoscumque et quocumque casu oportuerit siue in cimiterio siue in eadem ecclesia ipsos libere poterit sepelire. In quorum obserua
cionem et robur perpetue firmitatis presentes litteras scribi et sigillo nostro prouinciali ac sigillis dominorum predictorum domini Johannis
electi et confirmati olomucensis domini Hinconis decani olomucensis in testimonium precepimus communiri. Datum et actum prage in
die beate trinitatis sub anno domini millesimo trecentesimo tricesimo quarto.