WIr Ratmanne vnd Eldisten der Stat Troppaw an dem teil des hochgebornen fursten herczog Wenczlaws vnsirs gnedigen herren
hannus werckl hannus Czenomiger pawel Ecke vnd hanlyne die nv sint vnd mit den die hernochmols in czukunfftigen czeiten
gekoren werden mit willen vnd wissen der ganczen Gemeyn Arm vnd Reich daselbst bekennen offintlichin mit diesem brieffe allen
vnd iczlichem besundirn die en sehen horen adir lesen das der hochgeborne furste vnd herre herczog Wenczlaw herre zu Troppaw
vnd zu lupschicz vnsir gnediger herre vns ernstlichin geheisen vnd beffolin hat von seyner gulde renthen geschoßen vnd czinsen
die seyne gnade off vns vnd off der Stat Troppaw seynes teiles hat vnd an seynem teile gefallen do von an gebin czuantworte
vnd czubezalen nv vnd ewiglichin alle Jar ierlich czehen marg swerer Jerlicher ewiges czinses gutter pragscher groschin Gelts
in isther mwncze czehen isther gale czu eynem ewigen zelegerete seyn selbis czu selikeit vnd obir czuhulffe vnde troste dem
hochgebornen fursten herczog Przemken seynem vatir etwan vnsim gnedigen hirrn zeliger gedechtnis vnd allir seyner vor
farn czlen das selbige zelegerethe der egnante vnsir gnediger herre herczog Wenczlaw von bewegung gotlicher gnaden
selbir bey lebendem leibe wolgesint vnd bedacht mit gutten willen benümet vnd gegebin hat an eyner ewigen stifftunge des
Alters der da geweit ist in der ere der heiligen hirrn Sant mertin vnd Sant niclas in der prestoner adir Cappellen der kirchen
der heiligen Sant Johannis des tauffers vnd Sant Johannis des Ewangelisten der bruder vnd der Crew
cziger des Ordens Sant Johannis von Jrlm in der Stat Troppaw gelegin die von newes gestifft gebawet vnd geweit ist als
das alles vnsirs obingenanten gnedigen herren hawpt brieff sulchir begnading vnd stifftung lawtir ynnehat vnd eygentlich
awsweset dem Ersamen hirn mertin seynem Capplan vnd alle seyne nochkomelingen alterhirrn des selbin alters den selbin
czins der czehen marg swern obingenanter gale Globn wir egnante Rotlewte vnd Eldisten mit der ganczen gemeyn Arm
vnd Reich in gutten trawen an arg mit gesampter hant vngehindirt bey sulcher busse als in dem hawptbrieffe begriffen
ist von besundirn geheisse vnd gestatunge des selbin vnsirs gnedigen herren alle Jar Jerlichin nv vnd ewiglichin zu gebin an
antworten vnd zubezalen an allin vorczug vnd wider rede off dem Rothawse zu Troppaw adir in der Stat daselbst wo das
bequemlichin were off die hirnoch geschriebin tage das ist fümff marg off Sant margarethen tag der neste czukunfftig wirt
an anhebin vnd fümff marg off Sant mertens tag der neste dirnoch volget hirn mertin dem offtegenanten vnd alle sey
ne nochkomlingen alterhirn des obingenante Alters nv vnd ewiglichin Awch hat der egnante herczog Wenczlaw vnsir gnedi
ger herre von seynes selbis vnd allir seyner Erbin vnd nochkomlingen wegen der czehen marg sulches czins an seynen ren
then vnd geschoßen qwyte frey vnd ledig gesaget vns vnd alle vnsir nochkomlinge in woner seynes teiles zu Troppaw mit
seynem qwit brieffe vnd anhangende Inßigel nv vnd ewiglichin des zu vrkunde vnd grosser sicherheit willen habin wir vnsir
Stat Troppaw Inßigel an diesen brieff lossen hengen zu eynem ewigen gedechtnis der gebin ist zu Troppaw an Sant mathis
tage des Ezwelffbotin noch cristi geburt tawsent vierhundirt Jar vnd dirnoch in dem fümff vnddreissigsten Jare tc