Ich Dytreich der Rab purger ze furstenueld vnd ich Margret sein Hausvrow mit allen vnsern Erben wir Iehen offenleichen
an disem prief vnd tun chunt alln den die disen prief sehent hozent vnd lesent die nu lebent vnd hynd(er) chunftig werent. Daz
wir mit wol bedachtem muet vnd willen zu der zeit do wir iz wol getun mochten vnd nach Rat der pesten purger ze furstenueld
haben gegeben durch vnser sel willen vnd durch Aller vnser vodern Sel willen zwainzig phunt beraiter wiener phennig
dem Gotshaws Sand Johans in der stat ze furstenueld zu zwain Ewigen liechten die man in dem selben Gotshaws do wir haben
phol. wir haben die selben zwainzig phunt phennig Lewblein dem schuester der zu den zeiten des vorgenanten Gotshaws
Zechmaister gewesen ist. der die liecht do von berichten phol ain liecht vor sand Nyclas alter daz schol er mit zwelif
phunten berichten. daz tag vnd nacht ewichleich prinnen schol. daz ander liecht mit Acht phunten phennig schol er brichten
daz in dem Eysen prinnen schol. daz do ist zwischen dem Swibogen in dem Chor. iz schol auch di vorgenanten zwainzig phunt
phennig die zu den zwain liechten ewichleich gehozent niemen inne haben danne der des vorgenanten Gotshaws sand Johans
Zechmaister ist. vnd schol auch daz selb guet an nicht anders pideln den zu den vorgenanten liechten die schol er do von ver
richten vnd bewaren. ob halt daz geschech daz man an dem Gotshaws sand Johans ze furstenueld icht pawt. demach schol der
Zechmaister der egnanten zwainzig phunt phennig nicht phlicht der auf verpawen. Daz chzich wir ich vorgenanter
Dytreich der Rab vnd ich Margret sein Hausvrow mit alln vnsern Erben. daz disen gegenwirtigen prief niemen inne
haben schol danne vnsert nachsten Erben ainer durch solicher beschaidenhait willen ob sich ein Zechmaister des vor ge
nanten Gotshaws inder ain sawmung begieng an den egnanten zwain liechten der sich verzoge von lazhaitt oder
von we daz chomen mocht. daz den selben zechmaister wer vnsert nachsten Erben ainer sy der disen prief inne hat mit
disem prief manen. daz er die sawmung vnd den selben schaden dem oftgenanten Gotshaws gar vnd gaenzleich ablegt
ob des ain zechmaister als nicht tet vnd dem Gotshaws den schaden nicht wider chert den iz von seinen wegen enphieng
so schullen mein nachst Erben mit samt dem Richter vnd mit den purgen in noeten vnd dringen daz er dem Gotshaws
den selben schaden ab leg. Daz ditz dem vorgenanten Gotshaws sand Johans in der stat ze furstenueld stet vnd vn
zebrochen beleib zu ainer ewichait vnd zu ainem gezeug der warhait gab wir ich oft genanter Dytreich der Rab vnd ich
Margret sein Hausvrow mit allen vnsern Erben disen prief pesterigt vnd beuestet mit der stat zu furstenueld an
hangenden Insigel wem wir aigens Insigel nicht gehaht haben. Des sint gezeug. Vlreich der Chappenslaer Vlreich
der preye. Wulfinch von dem schaechen. Peter von furstenueld. Ruger der Swaelber. vnd ander piderb leut gnuog
den disen sach wol chunt vnd gewizzen ist. die der warhait gestet. Diser prief ist gegeuen do von Christes gepurd
ergangen waren Tausent Jar dreuhundert Jar darnach in dem funf vnd dreizzigsten Jar des Sunntiges
nach dem Jrtem Tag.