W(ir) Fridreich der Junger von gots gnaden Herczog ze Osterreich ze Steyr ze Kerndn vnd ze Krain, Graue ze Tyrol
(et)c(etera) Bekennen vmb das haws hinder Sannd Johans Pharrkirchen in vnser Stat zu Furstenueld gelegen, das weilnt Hanns von Stadegk hat
gebawet, vnd das vorzeitn der hochgeborn furst vns(er) lieber herr vnd vater Herczog Ernst Erczherczog ze Osterreich (et)c(etera) seliger gedechtnuss mitsambt der
physter als die vmbuanngen ist in derselben vnser Stat gelegn, dem Maister vnd dem haws Sannd Johanns Ordens daselbs zu Furstenueld ewiklich
gegeben hat, Vnd Ewan vns aber der Ersam geistlich vns(er) getrewer andechtiger Mert leser Komendur zu Furstenueld anstat sein vnd des hawss Sannd
Johanns Orden daselbs des benanten hawss williklich abgetrettn vnd vns das also vbergeantwurt hat, Haben wir Jm daengegen vbergeben
das haws genant der Alltpharrhof daselbs, das vormaln auch desselben Sannd Johanns Orden zu Furstenueld ist gewesn, Also daz Si dasselb
haws dafur mit allen den Rechten gnaden freyhaiten vnd alten guten gwonhaiten als die weilnt vns(er) vord(er)n loblicher gedechtnuss darzu geben vnd als
si baidn vnd Si des Ordens vormaln auch darauf gehebt haben ewiklich Innhaben nuczen vnd niessen sulln, vnd damit tun vnd handln mugn
als mit and(er)m Jrm gut, vnd bekrefftigen vnd bestetten In auch solh freyhait damit dasselb haws begnadt ist wissentlich In solhermass, daz wir
mainen, daz die hinfur bei krefftn belaben vnd gehalten werden von meniklichem vngehindert in alln puncten vnd artikeln, zeigleicherweis als
die von wort ze wort hiefinne begriffn vnd geschriben wern angenetde. Mit vrkund des briefs mit vnserm grossern anhangunden Inssigeln.
Gebn zu Grecz an freitag vor Sannd Margrethn tag nach Cristigeburdt Jm vierczehenhundertundsechsunddreissigistem Jare.

J. d. in cons(ilio)

(Ad mandatum domini) p(ro)p(r)ia recognoui