In nomine domini amen. Expedit decernere auctoritate, ne negocia, que in statu solido
stare debent, ydoneis testibus et litteris inscriptis careant. Igitur nos Magister
ciuium, consules, iurati ac tota vniuersitas ciuitatis Goltbergens(is) ad vniuersorum
tam presencium quam futurorum deferre cupimus noticiam, quod d(omi)no Comendatori
domus Goltbergen(sis), qui pro tempore fuerit, et suis confratribus ordinis sancti Joh(ann)is
damus, concedimus, porrigimus et inperpetuum assignamus matura et diligenti inter nos
deliberacione prehabita vnam dimidiam marcam census, quadraginta octo grossos pro huius(modi)
marca simul more solito computandos, de agris et campis, qui sunt pagni ex vna
parte Gunterinne et Nicolao de Gense suisq(ue) sororibus, ex alia vero parte pascuis
nostre ciuitatis predicte tollendam et inperpetuum percipiendam annis singulis semper in festo
sancti Michahelis archangeli ab omnibus cuiuscumq(ue) condicionis et status existant, qui
dictum campum seu agros possidere volunt aut laborant labore quocumq(ue) nomine
censeatur. Pro eo quod dictus Comendator frater Rudegerus cum suis fratribus studiose
aliam dimidiam marcam census ad instam requisicionem in allodio Hylle euintherinne
totaliter resignauerunt. Renunciantes nichilominus omni iuri et accioni, que nobis et nostris
successoribus in dicta dimidia marca census aliquo conpetit vel conpetere posset in futurum.
In quorum omnium testimonium et euidenciam ampliorem presens littera sigillo nostre ciuitatis
sunt signate. Datum et actum in Goltberg in crastino sancti Bartholomei, anno
d(omi)ni M(illesimo) C(entesimo) C(entesimo) xxviij, presentibus Joh(ann)e Culemanni m(a)g(ist)ro ciuium, Opetzone de gro
dis, petzoldo de noua villa, Henr(ico) Otingonis et Cunrado chottere consulibus,
Cunrado Angnesis, Petro de probsthayn et aliis fidedignis.