Ich brudir paul naldil compter czum goldberg bekenne offinlich mit desim briue
daz eyn betrichtunge gescheen ist von den getruwin ratmanne czum goldberg
von dem herczen thomes weykmanne vnd herman weyze vnd iohannes
mal vnd hanns schute vnd heynrich sandeke czwischen dem ordin vnd dem
erbirn manne hildeger burgir czum goldberg von eyns erbis wene daz der
selbe erbir man zal des erbis gnyssen zo beste hser mag adir zeyn nochkume
lynge vnd von dem selbin erbe ierlichen geuallin zal dem ordin sehczn
grosse bemisschir moncze vnd fur hymer vff zeynd mertins tag gescheen
ist noch gotis gebort tausint iar vnd drey hondirt iar vnd eyn dem
sechze vnd achczik iar an der nesten metewoche vor zeynde mertins tag