In nomine domini amen Nos Nicolaus Hryssinym decretorum doctor Archidiaconus Horssowiensis in ecclesia pragensi Curie Archiepiscopalis pragensis causarum
auditor locum officialis presencium tenens unacum publico Notario infrascripto coram presentibus uniuersis Quod constitutus personaliter coram nobis in iudicio
iudicialiter pro tribunali sedente discretus Iohannes procurator generalis consistorii pragensis sindicus et procurator sindicatus et procuratorio nomine honestorum et religiosorum
virorum domini Iohannis de nouadomo prioris generalis domorum per Boemiam poloniam morauiam Austriam Styriam et Carinthiam ordinis
hospitalis sancti Iohannis Ierosolimitani commendatoris et conuentus monasterii beate Marie virginis in pede pontis pragensis certam litteram patentem
in pergameno scriptam sigillis quatuor veris rotundis pendentibus in pressulis pergameni primo videlicet Bohuslai de Krassikow cera nigra coloris
albe in cuius in medio clipeus et in eodem clipeo figura signi hec vero circumscriptio eiusdem sigilli talis erat + S
Bohuslai de Swanberg secundo Iohannis fratris de Krassikow cera alba in cuius medio clipeus et in eodem clipeo similis
figura signi hec vero circumscriptio eiusdem sigilli talis erat + S Iohannis de Swanberg Tercio sigillo domini dicti de Hognest
in cuius medio clipeus et in eodem clipeo quidam circulus et in medio circuli quasi formatus et in circuitu eiusdem circuli quasi quidam rami
extensi hec vero circumscriptio eiusdem sigilli talis erat + S domini dicti de Hognest Quarto vero et vltimo sigillo Alberti de
Waykow in cuius medio clipeus et in eodem clipeo figura ad instar vnius pile hec autem circumscriptio eiusdem sigilli talis erat
+ S Alberti de Waykow sigillatam conscriptam et confectam de ipsius intencione vt asseruit in effectum vt petebat ad bonum domus
prioris generalis et ordinis predicti sanam et integram non viciatam non cancellatam non abrasam nec in aliqua sui parte corruptam sed omni
prorsus vicio et suspicione carentem exhibuit et produxit ac in manibus tenens peciit eam coram nobis in iudicio ad vltimum vt decens est
et consuetum perlegi cuius instancia quia valuit ampliori huiusmodi litteram per nos mandauit iussimus transscribi copiam autenticam ac in formam
publicam redigi Instrumenti cuius quidem auctoritate iuris ordinarie et decreta interposicione ne ipsius copia casu fortuito deperdatur Nos vero
Nicolaus Hryssinym officialis predictus visa huiusmodi littera ac diligenter conspecta ipsam absque aliqua suspicione reperientes peticionibus prefati
procuratoris sindici dictorum domini prioris et conuentus inclinati huiusmodi litteram transscribi transsumi copiam exemplari ac publicari mandauimus
pronunciamus publicamus in scriptis decernentes et tenore presencium statuentes quod transsumpto huiusmodi deinceps in omnibus et per omnia plena fides
adhibeatur tam in iudicio quam extra sicut littere originali infrascripte ipsam transsumptam fieri faciat in agendis Quibus omnibus
et singulis auctoritatem nostram ordinariam interponimus ipsius pariter et eius interposuimus et prout semper pariter interponimus per presentes
Tenor vero littere predicte de qua superius facta est mencio sequitur et est talis Nos Bohuslaus et Iohannes fratres domini de Krassikowa
tenore presencium litterarum recognoscimus publice et fatemur Quod Nobilis et Religiosus dominus Maroldus de Trnawa Prior
domorum ordinis hospitalis sancti Iohannis Ierosolimitani per Boemiam Poloniam Morauiam Austriam Styriam
et Karinthiam pasturas ad nostras humiles peticiones et propter seruicia nostra sibi et ordini suo hactenus exhibita ac in futurum
per nos diligencius exhibenda de propriis et liberis suis ordinis villis videlicet de chrayssowicz planye ostrow zblazyy lissy
Byssowycz et spaleniha in effectum vt petebat de sua bona et libera voluntate ad tempus et quamdiu sibi et successoribus suis prioribus
Boemie prefati ordinis placuerit concessit nobis hoc tamen expresso apposito et adiecto quod prefatus dominus Maroldus aut
quicumque fuerit successor suus prior Boemie ordinis predicti valebit et poterit quocumque tempore sibi placuerit amicos predictos
in effectum auellere et de nostra potestate auferre ac recipere et sibi ac ordini suo absque omni nostra et cuiuslibet hominis contradictione
et qualibet impedimento nostro cessante libere prout ipsius retinere fatemur insuper et publice recognoscimus quod in predictis
villis et in effectibus nos et caput nostrum Krassikow penitus nullum Ius habemus In cuius rei testimonium sigilla nostra
propria vna cum presentibus litteris sunt appensa Nosque dominus dictus de Hognest primo vniuersitatis in Kaba praga et Albertus
de Waykow primo purgrauius in Krassikow ad peticionem dominorum Bohuslai et Krassikowa et Maroldi de Trnawa predictorum
sigilla nostra in testimonium omnium premissorum de nostra certa sciencia huic littere appendere mandauimus Datum et actum
in Manetyn Anno ab incarnacione domini millesimo trecentesimo nonagesimo secundo tercia feria post diem beati Iacobi maioris
apostoli In cuius rei testimonium presens transsumptum publicum Instrumentum exinde confectum per notarium publicum subscriptum in formam
publicam redigi mandauimus et sigilli officialatus curie archiepiscopalis pragensis audite quo ad presens vtimur appensione iussimus communiri
Acta sunt hec Anno domini millesimo quadringentesimo nono Indiccione secunda die xi mensis Ianuarii hora vesperorum in curia archiepiscopali
pragensi in consistorio pontificatus sanctissimi in christo patris et domini nostri domini Gregorii diuina prouidencia pape duodecimi Anno tercio presentibus
honestibus viris magistro Iacobino de Kroma Venceslao presbitero aduocato Thoma de nouadomo clerico et plessimio partibus dicti
consistorii pragensi et multis aliis testibus ad premissa fidedignis