FRATER ALOFIVS DE WIGNACOVRT
Dei gra(tia) Sacræ Domus Hosp(ita)lis S(ancti) Joannis Hier(osolymitani) Mag(iste)r humilis pauperumq(ue) Jesu Christi custos. Et Nos Conuentus Domus eiusdem. Ven(eran)do Religioso in Ch(rist)o nobis prachar(issi)mo f(rat)ri Henrico de Logau libero
Baroni Prioratus n(ost)ri Vngariæ Priori, et Com(menda)tori n(ost)ræ de Fistenfeld et Troppau Prioratus n(ost)ri Boemiæ Com(menda)tori Sal(ut)em in D(omi)no sempiternam. Præclara Virtutum tuarum merita multiplicesq(ue) animi tui dotes, et laudabilia
obsequia summa cum fidei probitate per te multis abhinc annis Ordini n(ost)ro præstita, et quæ in futurum te præstitur(um) confidimus nos hortantur, ut ea tibi fauorabilit(er) concedamus quibus ad excelsos Ordinis n(ost)ri gradus, maioresq(ue) redditus
et honores comodius euocari, et promoueri ualeas. Adhærentes itaq(ue) laudabili consuetudini Ordinis n(ost)ri ap(osto)licisq(ue) indultis, et præsertim à fel(icis) rec(ordationis) Calixto iij, Pio ij, Leone X, Clemente Vij, Paulo iij, Pio iiij, Pio V, Gregorio xiij,
Sixto V, Clemente Viij, et nuper à S(anctissi)mo D(omino) N(ostro) D(omino) Paulo V. innouatis, confirmatis, et approbatis quibus auct(oritat)em, et facultatem habere dignoscimur dandi, et concedendi f(rat)ribus et Religiosis n(ost)ris tam g(e)n(er)ales quam speciales Antianita=
tes, expectatiuas, et Jusquæsitum ad Prioratus, Castellaniam Empostæ, Baiuliuatus, Commendas, et quæcu(m)q(ue) Ordinis n(ost)ri bona prout rerum, et temporu(m) qualitas exigit: Consideratis prius per nos amplissimis tuis meritis
ac confidentes quod infrascriptus Prioratus sub tuo regimine non parua suscepturus sit incrementa. Hinc est quod præmissor(um) meritor(um) tuor(um) intuitu Jnuicem maturo, et deliberato consilio de n(ost)ra certa scientia
ac de consensu n(ost)ræ Ven(eran)dæ Linguæ Alemaniæ, ad quam particulariter spectat, et pertinet, tibi p(ræsen)ti, et acceptanti tanquam magis antiano, capaci, et benemerito damus, concedimus, et donamus Antianitatem
Jusquæsitu(m), et specialem expectatiuam, ac prælationem ante alios quoscunq(ue) ad, et super Prioratu(m) n(ost)rum Boemiæ quandocu(m)q(ue) et quomodocu(m)q(ue) uacare contigerit, uel si de p(ræsen)ti uacet per cessum uel decessum aut aliam quamli(bet)
dimensionem Ven(eran)di Religiosi in Ch(rist)o nobis p(ræ)char(issi)mi f(rat)ris Matthiæ Leopoldi Popel moderni Prioris eiusdem Prioratus: Jnuim cuius quidem Antianitatis, et Jurisquæsiti possis et ualeas per te, uel tuos legitimos Procuratores dimissis
et renunciatis prius per te dicto Prioratu Vngariæ, Comendis, et alijs bonis quæ secundum formam Statutor(um) n(ost)rorum tunc resignare teneberis dictum Prioratum Boemiæ cum o(mn)ibus, et singulis suis Cameris prioralibus, membris
Juribus pertinentijs ad illum spectantibus, et pertinentibus habere, consequi, et tenere: Acceptatumq(ue) Prioratum h(uius)m(od)i tanquam legitimus Prior regere, et gubernare illiusq(ue) fructus percipere, et colligere, ac de ipsis prout uolunt n(ost)ra
stabilimenta disponere nulla alia n(ost)ra seu cuiusuis alterius requisita aut expectata, licentia prouisione, uel consensu, saluis tamen, et reseruatis Juribus n(ost)ri Co(mmun)is Ærarij impositis, et imponendis, ac spolio mortuario et uacante quibus
nullo pacto derogare intendimus: Quapropter in uirtute s(anc)tæ obedientiæ haru(m) serie præcipimus, et mandamus, ut te Ven(eran)dum f(rat)rem Henricu(m) de Logau Priorem Vngariæ uel tuum legitimu(m) Procur(ator)em casu uacationis dicti Prioratus
Boemiæ contingente in possessionem pacificam, et quietam eiusdem inducat, et inductum conseruet: Amoto ab eodem quolibet alio (si quis fuerit) quem nos ut illicitum detentorem amouemus et decernimus firmiter amouendum:
Quem quidem Prioratum modo præmisso uacantem ex nunc prout ex tunc haru(m) serie tibi conferimus, concedimus et donamus: Prouiso tamen quod in termino unius anni à die possessionis adeptæ l(itte)ras ratificatorias, et nouæ prouisionis
Super eodem Prioratu à nobis petere, et obtinere debeas iuxta formam Statutor(um) n(ost)rorum. Mandantes Vniuersis, et singulis dictæ Domus n(ost)ræ f(rat)ribus quacu(m)q(ue) auct(oritat)e, dignitate officioq(ue) fungentibus in uirtute sanctæ obedientiæ
ne contra p(ræse)ntes n(ost)ras Antianitatis et concessionis l(itte)ras aliquatenus facere uel uenire præsumant sed eas studeant inuiolabilit(er) obseruare. Jn cuius rei testimonium Bulla n(ost)ra Communis plumbea p(ræsen)tibus est appensa. Datum
Melitæ in Conuentu n(ost)ro. Die sexta Mensis Octobris Millesimo Sexcentesimo Vndecimo.