Erhart kesseler gesatztricht(er) vo(n) den erbe(n) zu Golditz vnd wir
Schopph(e)n do selbist Hans kelner Nitsche radeler Cunrad falken
Han(s) xposonus rule Erasm(us) kunc Hans girlic Hans Jon Bekenn(en)
das vor vns In gehegtem dinge pet(er) kesseler hot bekant das
her hot vorkauft eyne(n) virdung Jergleichs zinsis vmb achte schok
grossen vff sin hoff bey weyrodt gelege(n) vnd vff al ander sin
gut In statrechte(n) den andachtign(n) h(er)ren den Crutziger(n) In
dir pictanac vnd globit en den zins alle ior zu geb(e)n vff vns(er)
lib(e)n frawen tag ir geburd ab das nicht gesche(he) So sal en
der richter lossin phande hasen vff al dem egena(n)ten gute
dir sy mogen vorseczen adir vorkoufen vor den vorsess(e)n zins
ane vffbitu(n)ge des rechten als ab alle recht do mite weren
begange(n) vnd wen pet(er) kesseler adir dy seyne den zins
wedir abekoufen mit achte(n) schocken grossen vnd den
vorsess(e)n zins mite geb(e)n zo sulle(n) sy en wedir zukoufen
geb(e)n vngehind(er)t Gegeb(e)n vn(der) schedelich dis(s) briefes am frey
tage vor Bartholomei Anno d(omi)ni M(illesim)o cccc(m)o decimonono