Frater Nicolaus Cotoner
Dei gra(tia) sacrae Domus Hospit(a)lis S(ancti) Joh(ann)is Hiero(solymitani) et Militaris Ordinis S(ancti) Sepulchri Dominici Magister humilis pauperumq(ue) Jesu Xpi Custos. Et Nos Conuentus Domus eiusdem. Ven(erabili) et Relig(ios)o in Chro Nobis p(er)charissimo fr(atr)i Ferdinando Ludouico
Libsteinski Comiti a Kolowrat Ordinis n(ost)ri Magno Baiuliuo Alemaniae ac Com(menda)tori n(ost)rae de Furstenfeld Prioratus n(ost)ri Bohemiae Commend(atori). Sal(ute)m in D(omi)no sempiternam. Rationi consonum est generosos Ordinis n(ost)ri fr(atr)es Milites eximijs virtutibus conspicuosq(ue)
moribus ornatos quos merito consortio Commilitonum n(ost)ror(um) Ordinis n(ost)ri aggregauimus ad potiores honores et dignitatum gradus eiusdem Ordinis n(ost)ri promouere vt condignis meritorum praemijs susceptis ad nonnullam perpessi laboris sentiant retributionem
et propensiores in dies reddantur ad maiora amplioraq(ue) s(anct)ae n(ost)rae Religioni obsequia praestanda. Egregiam itaq(ue) tuam prudentiam existimationem multiplicium rerum experientiam ac praeclaras animi tui dotes quibus insignitus dignosceris et apud Nos nostrumque Ordinem
summopere commendaris necnon laudabilia ac diuturna obsequia s(anct)ae n(ost)rae Religioni n(ost)rae summa cum fidei probitate singularisq(ue) prudentia hactenus praestita et quae in dies sedulo praestare non desinis animaduertentes non immerito inducimur ad ea tibi con-
cedendum quae promotioni tuae personae conuenire dignoscuntur. Resignatis itaq(ue) prius per te in manibus n(ost)ris dicta Dignitate Magni Baiuliuatus ac Com(menda)t(ori)a de Furstenfeld quam titulo Melioram(enti) obtinebas alijsq(ue) bonis quae una cum infrascripto Prioratu
iuxta formam Statutor(um) nostror(um) retinere nequis et per Nos huiusmodi resignationibus susceptis et admissis si tamen et aliter non cum infrascripti Prioratus possessionem pacificam assequutus fueris. Adhaerentes ordinationi et Surrogationi alias per Nos tibi concessae et
illud harum serie roborantes. Prioratum n(ost)rum p(rae)fatum Bohemiae per resignationem Ven(erabilis) et Religiosi in Xpo Nobis p(er)charissimi fr(atr)is Francisci Sebastiani Comitis Wratislaw de Mitrowicz hesterna die in manibus praelibati n(ost)ri Magistri praeuia approbatione
n(ost)ri Ven(erabilis) Concilij sub reseruatione pensionis Mille et ducentorum Taleror(um) ad rationem Carantanorum Nonaginta pro quolibet Talero ab omni onere tam ordinario quam extraordinario Religionis n(ost)rae Prioratus Linguae et contributionum Prouinciae et alio quocunq(ue) gra-
uamine immuni et exemptae Ipsi Ven(erabili) fr(atr)i de Wratislaw integre absq(ue) ulla diminutione siue exceptione per te tuosq(ue) in eodem Prioratu successores annuatim persoluenda absque eo quod insufficientiam fructuum pro satisfactione huiusmodi pensionis allegari possit
factam vltimi legitimi dicti Prioratus Bohemiae Prioris et possessoris siue hoc siue alio quouis modo aut ex alterius cuiuscunq(ue) persona vacantem praesentialiter et ad n(ost)ram Collationem donationem Electionem ordinationem et omnimodam dispositionem spectantem
et deuolutum. Cum suis Cameris Prioralibus seu Com(menda)t(ori)is sibi assignatis quas pro Cameris Tibi assignamus cum earum et cuiuslibet ipsarum Membris praedijs Iuribus et pertinentijs Vniuersis ad ipsum Prioratum et praefatas Cameras seu Com(menda)t(ori)as et quamlibet ipsarum spec-
tantibus ac cum omni onere emolumento honore et quibuscunq(ue) praerogatiuis per Stabilimenta et laudabiles n(ost)ri Ordinis consuetudines Prioribus attributis et concessis et cum quibus dictum Prioratum p(rae)fatus Ven(erabilis) fr(ater) Franciscus Sebastianus Comes Wratis-
law alijque praeteriti Priores habuerunt tenuerunt et possederunt siue habere tenere et possidere quomodolibet debuerunt habendum tenendum possidendum regendum gubernandum et meliorandum in spiritualibus et temporalibus tam in capite quam
in membris. Sub annua solutione responsionum et quorumcunq(ue) n(ost)ri communis aerarij Iurium et onerum impositorum et quomodolibet in futurum imponendorum dictum Prioratum eiusq(ue) Cameras pro rata parte tangentium per te annis singulis
in Cap(itu)lo Prouinciali Prioratus eiusdem uel in festo S(anct)i Joannis Baptistae de Mense Junij in manibus Receptorum dicti Prioratus deputati uel deputandi infallibiliter exoluendorum. Iniucto maturo et deliberato Consilio de n(ost)ra certa scientia et
speciali gratia ad annos decem continuos et completos et ultra ad n(ost)rum beneplacitum Tibi Ven(erabili) fr(atr)i Ferdinando Ludouico Libsteinski a Kollowrat tanquam digno p(rae)eminenti capaci et optime merito sub reseruatione praefatae annuae pensionis alijsq(ue)
declarationibus in decreto n(ost)ri Ven(erabilis) Concilij circa hesterna die desuper edito latius contentis et expressis conferimus concedimus et donamus beneficiando in eodem. Teque legitimum et canonicum Priorem in dicto Prioratu eligimus constituimus
et ordinamus. Saluis Iuribus n(ost)ri Communi aerario quouis modo competentibus. Saluis insuper et retentis dicto n(ost)ro Magistro quibuscunq(ue) Ordinationibus et praeeminentijs tam per foel(icis) memoriae fr(atr)em Raymundum Berengarium n(ost)rae dictae Domus Ma-
gistrum factis et sibi reseruatis in Cap(itu)lo Generali anno Sexagesimo Sexto apud Auinionem celebrato quam per Stabilimenta et Cap(itu)lares constitutiones eidem Magistro concessis. Retento etiam et reseruato ipsi Magistro et futuris ut si (quod absit)
in solutione dictorum Iurium et onerum Communis aerarij impositorum et quauis causa et ratione per Religionem imponendorum per te Statuto tempore facienda deficere contingat quod ipse Magister et futuri cum Consilio Procerum et fratrum
dictae Domus possit libere disponere et ordinare de p(rae)d(ic)to Prioratu secundum formam Stabilimentor(um) nostror(um) Consuetudinum et Cap(itu)larium Constitutionum Collatione de dicto Prioratu tibi facta in aliquo non obstante. Rursus cum retroactis temporibus
Priores n(ost)rae dictae Domus super bonis et arnesijs Commendatarior(um) in dies decedentium haberent et reciperent certa Iura quae per Ordinationem in memorato Cap(itu)lo promulgatam Communi aerario applicata et reseruata fuerunt et in compensationem p(rae)d(ic)tor(um)
Iurium concessum fuerit et permissum ipsis Prioribus ultra praefatas Cameras vnam aliam Bailiam seu Com(menda)t(ori)am cum vacabit in eodem Prioratu ad Collationem Prioris pertinentem accipere tibi quoque eandem Bailiam iuxta Stabilimentorum
forma capiendi facultatem et licentiam impartimur. Committentes tibi circa curam regimen et administrationem dicti Prioratus Camerarum Bonorumq(ue) et Iurium eius defensionem recuperationem et indemnitatem tam in agendo quam in defen-
dendo harum serie vices n(ost)ras. Quocirca Vniuersis et singulis n(ost)ri Ordinis fratribus Sororibus et Donatis in virtute S(anct)ae Obed(ienti)ae ac hominibus Vassallis et quibusuis alijs Nobis subditis in dicto Prioratu constitutis p(rae)sentibus et futuris
sub Sacram(en)to fidelitatis et homagij quo Nobis et Religioni n(ost)rae sunt astricti praecipimus et mandamus vt Tibi tanquam eorum Superiori et Priori reuerenter pareant obediant et intendant tibique praebeant auxilium Consilium et fauorem in omnib(us)
concernentibus vtilitatem dicti Prioratus quotiescunq(ue) opus fuerit et eos duxeris requirendos. Necnon Vniuersis et singulis dictae Domus n(ost)rae fratribus quacunq(ue) auct(orita)te Dignitate Officioq(ue) fungentibus p(rae)sentibus et futuris mandamus ne contra p(rae)sentes n(ost)ras
l(itte)ras aliquatenus facere uel uenire praesumant quinimo iuxta earum mentem studeant inuiolabiliter obseruare. Adque cuicunq(ue) Ordinis n(ost)ri fratri super hoc primitus requisito mandamus vt te uel Procuratorem tuum in pacificam et quietam
dicti Prioratus possessionem inducat et inductum conseruet omni penitus contradictione remota. A moto ab eodem quolibet alio (si quis fuerit) illicito detentore quem Nos tenore p(rae)sentium amouemus et decernimus firmiter amouendum. Inhi-
bentes Tibi in virtute s(anct)ae obedientiae ac sub poena Stabilimentor(um) contrafacienti inflicta ne praetextu donationis n(ost)rae huiusmodi aliquid uel aliqua de rebus bonis Iuribus praedijs locis et quibuslibet Iurisdictionibus dicti Prioratus Camerarumq(ue)
et Membrorum eiusdem vendas des impignores permutes distrahas siue in Emphiteusim perpetuam aut ad tempus concedas uel alio quouis modo extra Religionem nostram transferas sine speciali licentia nostri Magistri Religionis atq(ue) Capituli
Generalis pro tempore existentium et si (quod absit) contra inhibitionem nostram huiusmodi aliquid uel aliqua operari seu facere te contingat illud et illa ex nunc prout ex tunc cassamus annullamus et decernimus irritum et inane nulliusq(ue) firmitatis
existentis valoris uel efficaciae. In cuius rei Testimonium Bulla nostra Communis plumbea praesentibus est appensa. Dat(um) Melitae in Conuentu n(ost)ro Die Decima quarta Mensis Januarij Millesimo Sexcentesimo Septuages(imo) Quinto ab Incarnat(ion)e D(omi)ni.
F(rate)r Carolus Cotoner Seu(us) n(ost)ro de Melita
Reg(istrata) in Cancell(aria)
F(rate)r Emmanuel Arias Vic(ecancellarius)