Fr(ater) Don Gregorius Carafa e Princip(ibus) Roccelle.
Dei gra(tia) sacrae Domus Hosp(ita)lis s(an)c(t)i Jo(ann)is Hieros(olimitani) et Militaris Ordinis s(an)c(t)i Sepulchri Dominici Magister humilis pauperumq(ue) Jesu X(pist)i Custos: Et Nos Conuentus Domus eiusdem. Reli-
gioso in Chro(sto) Nobis Char(issi)mo fr(atr)i Carolo Leopoldo Comiti de Herbestein n(ost)rae dictae Domus Ven(erandi) Prioratus Bohemiae Militi Sal(ute)m in D(omi)no Sempiternam. Morum et vita honestas multiplicesq(ue) animi
tui dotes, necnon laudabilia obsequia per te Religioni n(ost)rae praestita et quae in dies sedulo praestare non desinis promerentur vt te ad commoda bonorumq(ue) Ordinis n(ost)ri regimina promoueamus.
Baiuliam itaq(ue) seu Com(mend)am de Troppau et Machow Prioratus n(ost)ri Bohemiae per renuntiat(io)nem Ven(eran)di Religiosi in Xpo(sto) Nobis P(er)char(issi)mi fr(atr)is Joannis Josephi Comitis de Herbestein Ordinis n(ost)ri
Magni Baiuliui durante illius Mortuario et vacante, seu verius per obitum q(uon)dam fr(atr)is Joannis Hernesti Comitis della Torre vltimi legitimi d(ictae) Com(mend)ae de Troppau et Machow Comm(endata)r(i)i et possessoris
siue hoc, siue alio quouis modo vacantem praesentialit(er) et ad n(ost)ram collationem donationem, et omnimodam dispositionem spectantem et deuolutam Cum omnib(us) et singulis suis Membris, praedijs, Juribus,
et pertinentijs Vniuersis ad ipsam spectantibus, et pertinentibus, seu spectare et pertinere debentibus quoquo modo, eo cum quibus illam dictus q(uon)dam fr(ater) Joannes Hernestus Comes della Torre
habuit tenuit et possedit seu habere, tenere, et possidere quomodolibet debuit habendam tenendam possidendam, regendam, augmentandam, et meliorandam in spiritualibus, et temporalibus, tam in
capite, quàm in Membris. Sub annua solutione Jurium et quorumcunq(ue) onerum Communis aerarij Ordinis n(ost)ri impositor(um) et imponendor(um) secundum communem cursum aliar(um) Baiuliar(um) seu Com(mend)ar(um)
dicti Prioratus in Cap(itu)lo Prouin(cia)li Prioratus eiusdem uel in festo S(ancti) Joannis Bap(tis)tae de Mense Junij per te annis singulis infallibilit(er) exoluendor(um). Saluo etiam et reseruato Jure mortuarij et
vacantis. Alias in defectu solutionis hum(oi) secundum seriem et tenorem Stabilimentor(um) Ordinationum consuetudinum et constitutionum Cap(itu)lor(um) G(e)n(er)alium super solutione Jurium Aerarij eiusdem
editarum et promulgatarum de d(icta) Com(menda) expresse praecipimus prouideri collatione hum(oi) de dicta Com(menda) tibi facta in aliquo non obstante. Innuicem maturo, et deliberato Consilio de n(ost)ra certa scien-
tia Attento consensu per Ven(erandos) Procurat(ores) dicti n(ost)ri Communis aerarij ad hoc expresse praestito tenore p(raese)ntium Ad annos decem continuos, et completos et ultra ad n(ost)rum beneplacitum sub conditionibus
in deliberat(io)ne dictor(um) Proc(urato)rum Co(mmun)is aerarij desuper sub die tertia instantis Mensis emanata contentis et expressis et ad illius praescriptum tibi pro tuo Cabimento conferimus, concedimus, et dona-
mus benefaciendo in eadem. Teq(ue) sub conditionibus praemissis Commend(atario)m in illa constituimus, et ordinamus. Committentes tibi circa curam regimen et administrationem ac omnimodam d(ictae) Com(mendae) bonorumq(ue) et
Jurium eius defensionem et recuperat(ionem) tam in agendo, quam defendendo harum serie vices n(ost)ras. QUOcirca Vniuersis et singulis fr(atr)ibus, sororibus et Donatis in virtute s(an)c(t)ae obed(ienti)ae ac hominibus
Vasallis et quibusuis alijs Nobis subditis in d(icta) Com(menda) constitutis p(raese)ntibus et futuris sub sacram(en)to fidelitatis et homagij quo Nobis, et Relig(io)ni n(ost)rae sunt astricti praecipimus, et mandamus vt tibi tanquam
eorum Superiori et Comm(endatario) reuerenter pareant, obediant, et intendant, tibiq(ue) praebeant auxilium, consilium et fauorem in omnibus concernentibus vtilitatem d(ictae) Com(mendae) quotiescunq(ue) opus fuerit,
et eos duxeris requirendos. Necnon Vniuersis et singulis d(ictae) Domus n(ost)rae fratribus quacunq(ue) auct(oritat)e Dignitate, officioq(ue) fungentibus p(raese)ntibus, et futuris mandamus ne contra p(raese)ntes n(ost)ras l(itte)ras aliqua-
tenus facere uel venire praesumant quinimo iuxta earum mentem studeant inuiolabilit(er) obseruare. Atq(ue) cuicunq(ue) fratri Ordinis n(ost)ri super hoc primitus requisito mandamus vt te uel
Procurat(orem) tuum in pacificam et quietam d(ictae) Com(mendae) possessionem inducat, et inductum conseruet omni penitus contradictione remota. A moto ab eadem quolibet illicito detentore (si quis fuerit)
quem Nos tenore p(raese)ntium amouemus, et decernimus firmiter amouendum. Inhibentes tibi in virtute s(an)c(t)ae obed(ienti)ae ac sub poena Stabilimentor(um) contra facienti inflicta ne praetextu donationis
n(ost)rae hum(oi) aliquid uel aliqua de rebus, bonis, Juribus, praedijs, locis, et quibuslibet Jurisdictionibus dictae Com(mendae) uel Membror(um) eiusdem uendas, des, impignores, distrahas, siue in Emphiteosim
perpetuam aut ad tempus concedas sine speciali n(ost)ra licentia Mag(ist)ri Relig(io)nis atq(ue) Cap(itu)li G(e)n(er)alis pro tempore existentium et si (quod absit) contra inhibitionem hum(oi) aliquid uel aliqua operari
seu facere te contingat illud et illa ex nunc prout ex tunc cassamus annullamus, et decernimus irritum et inane nulliusq(ue) penitus existere valoris, uel efficaciae. In cuius rei Test(imoniu)m Bulla n(ost)ra Communis
plumbea p(raese)ntibus est appensa. Dat(um) Melitae in Conuentu n(ost)ro Die Decima Septima Mensis Martij Millesimo Sexcentes(im)o Octuagesimo ab Incar(natione).