Frater Adrianus de Wignacourt
Dei gratia Sacrae Domus Hospitalis Sancti Joannis Hierosolymitani et Militaris Ordinis Sepulchri Dominici Magister humilis, Pauperumque Jesu Christi Custos. Religioso in Christo Nobis Charissimo
Fratri Carolo Leopoldo Comiti de Herberstein Commendatario nostro de Lowen, ac de Troppau Prioratus nostri Boemiae, Commendatori, et Receptori nostro Conservatori Conventuali, salutem
in Domino sempiternam. Praeclara virtutum tuarum merita, multiplicisque animi tui dotes, quibus insigniri dignosceris, et apud Nos Commendari, nec non laudabilia obsequia per te Nobis,
Ordiniq(ue) nostro praestita, et praecipue in Capitaneatu unius ex triremibus dicti Ordinis nostri, quo munere per biennium functus es, et deinde alius triremis praefecturam per integrum unius anni cam=
piductus decursum propriis sumptibus exercuisti, quaeque adhuc in dies praestare non desinis, promerentur, ac Nos inducunt, ut te quibus possumus favoribus et gratia prosequamur. Cum itaq(ue)
ex forma Statutorum et laudabilium consuetudinum Ordinis nostri quolibet quinquennio in singulis nostris Prioratibus, et Castellania Emposta, vigore praeeminentiae nostrae Magistralis de una Commenda
vacante nostro arbitrio acceptanda Fratri Nobis benemerito providere valeamus. Hinc ex motu praemissorum meritorum tuorum intuitu, et contemplatione tuam, Baiuliam, seu Commendam nostram
de Strigau dicti Prioratus nostri Boemiae per obitum quondam fratris Joannis Andreae Comitis de Corvia ultimi legitimi dictae Commendae de Strigau obtentoris et possessoris, sive hoc sive alio
quovis modo vacantem praesentianter, et ad nostram Collationem, Donationem, et omnimodam dispositionem spectantem, et devolutam, Cum omnibus et singulis suis membris, praediis, Juribus, et
pertinentiis Universis ad ipsam spectantibus, et pertinentibus, seu spectare, et pertinere debentibus quoquomodo; Ut eam quibus illam dictus quondam frater Joannes Andreas Comes de Corvia ha=
buit, tenuit, et possedit, seu habere, tenere, et possidere quomodolibet debuit Habendam, tenendam, possidendam, regendam, augmentandam, et meliorandam in spiritualibus, et temporalibus, tam in Capite, quam
in membris: Sub annua solutione Jurium, et quorumcumque onerum Communis Aerarii Ordinis nostri impositorum, et imponendorum secundum communem cursum aliarum Baiuliarum seu Commen=
darum dicti Prioratus in Capitulo Provinciali Prioratus eiusdem, vel in festo Sancti Joannis Baptistae de Mense Junii, per te annis singulis infallibiliter exsolvendorum: Salvo etiam, et reservato iure
mortuarii, et vacantis. Atque insuper aucta Capituli generalis ad id Nobis concessa et attributa potestate, et reservata super fructibus, et redditibus dictae Commendae de Strigau integra quintam par=
tem fructuum eiusdem Commendae summa, seu pensione annua scutorum ducentorum monetae currentis Melitensis uni, vel pluribus fratribus nostris arbitrio nostro danda, constituenda, et assi=
gnanda; Aliàs in defectu solutionis Jurium et pensionis huiusmodi secundum seriem, et tenorem Stabilimentorum, Ordinationum, consuetudinum, et constitutionum Capitularium generalium super
solutione Jurium Aerarii eiusdem editarum, et promulgatarum de dicta Commenda expresse privatus, provideri collatione huiusmodi de dicta Commenda tibi facta in aliquo non obstante, de nostra
certa scientia, et speciali gratia tenore praesentium ad annos decem continuos, et completos, et ultra ad nostrum, nostrique Conventus beneplacitum tibi conferimus, concedimus, et donamus, teque fa=
ciendo in eadem. Teque Commendatorem in illa constituimus, et ordinamus. Committentes tibi curam, regimen, et administrationem, ac omnimodam dictae Commendae bonorumque et Jurium eius
defensionem, et recuperationem, tam in agendo, quam defendendo harum serie vices nostras. Quocirca Universis, et singulis fratribus, Donatis, et donatis in virtute sanctae obedientiae, ac hominibus
Vassallis, et quibusvis aliis Nobis subditis in dicta Commenda constitutis praesentibus et futuris sub Juramento fidelitatis, et homagii quo Nobis, et Religioni nostrae sunt astricti praecipimus, et man=
damus, ut tibi tanquam eorum superiori et Commendatori reverenter pareant, obediant, et intendant, tibique praebeant auxilium, consilium, et favorem in omnibus concernentibus utilitatem
dictae Commendae, quotiescumque opus fuerit, et eos duxeris requirendos. Nec non Universis et singulis dictae Domus nostrae fratribus, quacunque auctoritate, Dignitate, officioque fungentibus prae=
sentibus, et futuris, mandamus, ne contra praesentes nostras literas aliquatenus facere, vel venire praesumant quinimo iuxta earum mentem te in eam inviolabiliter observare. Atque
cuicunque fratri Ordinis nostri super hoc primitus requisito mandamus, ut te, vel Procuratorem tuum in pacificam, et quietam dictae Commendae possessionem inducat, et inductum conservet
omni penitus contradictione remota. Amoto ab eadem quolibet illicito detentore, quem licite, quem Nos tenore praesentium amovemus, et decernimus firmiter amovendum. Inhibentes
|...| ne ad poenas in stabilimentorum contra facienti indictas |...| de rebus, bonis, iuribus, praediis, locis,
et quibuslibet iurisdictionibus dictae Commendae, vel in eorum evidentem vendat, det, impignoret, permutet |...| alienet, aut alio quovis modo sine spe=
ciali nostra licentia Magistri dumtaxat, absque Capituli generalis pro tempore existentis, quod si secus actum fuerit contra inhibitionem nostram huiusmodi alienare vel aliter |...| facere te con=
tingat dicto casu ex nunc prout ex tunc cassamus, annullamus, et decernimus irritum et inane, nulliusque penitus esse roboris vel momenti. In cuius rei testimonium Bulla nostra
Magistralis plumbea praesentibus est appensa. Datum Melitae in Conventu nostro Die Vigesima Nona Mensis Octobris Millesimo, Sexcentesimo, Nonagesimo Tertio.

Reg(istra)ta in Cancell(ari)a
fr(ater) d(ominus) ferdinandus Contrera Coad(iutor) Vicec(ancellarii)