Laurentius Compthur des hawses zcu Goltberge des ordens s(ancti) Joha(n)nis Jherusolimitani Vnd wir brud(er)
des selbist bruder Albrecht prediger . bruder Joha(n)nes kramer . bruder Thomas vnd bruder Maternus .
Beke(n)ne(n) uffenlich mit diesem brife allen dy en sehen adir horen lezen . das wir von vnser pictancia(n) we
gen schuldich seyn . den andachtigen h(er)ren h(er)ren Nicolao vor Compte(n) czu kalbenberg mit seyne(n) brudern
In ere pictancia alle iar eyne mark geldes dy sy vm(b) czehn mark uf vns(er) pictancia hab(e)n gekauft .
Vnd globen en bey vns(er)n gute(n) truwen dy mark czinse alle iar recytlich czu geben uf myttenfasten also
we(n)n w(ir) adir vns(er) nochkome(n) dy Compter vnd conuent bruder czu goltberge en wedir beczaln vnd gebn
czehn mark g(e)ldis so sulle(n) wir vorbas nicht czins gebn vnd dies(er) briff sal auch dene vorbas tot vnd craft
los seyn . des czu orkunde hab(e)n wir vns(er)n a(m)pt(s) Ingesigel an obend s(ancti) Jacobi Nach cristi geburt vnse(r)s lieben
h(er)ren virczehnhu(n)dert Jar dornoch In dem sechs vnd czwenczigsten Jare Amen