Frater Emmanuel Pinto DEI
gratia, Sacrae Domus Hosplis S(anc)ti Johannis Hieros(olimitani) et militaris Ordinis S(anc)ti Sepulchri Dominici Magister humilis, pauperumque Jesu Xpi Custos; Et Nos Conventus Domus eiusdem
Ven(erandae) Relig(ionis) in Xpo Nobis Praecaris(si)mo Fratri Emmanueli Comiti de Kollowratt Prioratus nostri Hungariae Priori, ac Commendarum n(ost)rarum de Lossen, et Breslavia Prioratus n(ost)ri
Bohemiae Commendatario, sal(ute)m in D(omi)no Sempiternam. Rationi consonum est generosos Ordinis n(ost)ri fratres Milites eximiis virtutibus, conspicuisque moribus ornatos, quos merito Consortio Consiliariorum d(ic)ti
Ordinis n(ost)ri aggregavimus, ad potiores honorum, et Dignitatum gradus eiusdem Ordinis n(ost)ri promovere, ut condignis meritorum praemiis susceptis, et nonnullam perpensi laboris sentiant retributionem, et propensiores in
dies reddantur ad maiora, amplioraque solerti studio promerenda. Egregiam itaque tuae prudentiae aestimationem, multiplicium rerum experientiam, ac praeclaras animi tui dotes, quibus insignitus digno=
sceris, et apud Nos, n(ost)rumque Ordinem summopere commendaris, necnon laudabilia, ac diuturna obsequia per Te Religioni n(ost)rae summa cum fidei probitate, singularique prudentia hactenus praestita, et quae in dies se=
dulo praestare non desinis, animadvertentes, non immerito inducimur, ad ea Tibi concedendum, quae promotioni tuae Personae convenire dignoscuntur. Renunciatis itaque prius per Te, seu verius per tuum leg(iti)mum
Procurem in manibus n(ost)ris d(ic)to Prioratu Hungariae, aliisque bonis quibuscumque, quae cum infrascripto Prioratu retinere nequis, Prioratum n(ost)rum Bohemiae per obitum q(uon)dam Fr(atr)is Wenceslai Baronis de
Czeyka ultimi legitimi d(ic)ti Prioratus Bohemiae Prioris, et Possessoris, sive hoc, sive alio quovis modo vacantem praesentialiter, et ad n(ost)ram Collationem, donationem, electionem, ordinationem, et omnimodam dispositionem
spectantem, et devolutum cum suis Cameris Prioratibus, seu Commendis sibi assignatis, quas pro Cameris Tibi assignamus cum earum et cuiuslibet ipsarum Membris, praediis, juribus, et pertinentiis univis ad ipsum Priora=
tum, et praefatas Cameras, seu Commendas et quamlibet ipsarum spectantibus, ac cum omni onere, emolumento, honore, et quibuscumque praerogativis per stabilimenta et laudabiles n(ost)ri Ord(in)is consuetudines Prioribus attributis, et
concessis, et cum quibus illum q(uon)dam Ven(erabilis) Fr(ater) Wenceslaus Baro de Czeyka, aliique Ord(in)is n(ost)ri Priores habuerunt, tenuerunt, et possederunt, sive habere, tenere, et possidere quomolibet debuerunt, habendum, tenendum, possidendum, regen=
dum, gubernandum, et meliorandum in Spiritualibus, et Temporalibus tam in Capite, quam in Membris; Sub annua Solutione responsionum, et quorumcumque n(ost)ri Co(mmun)is Aerarii Jurium, et onerum impositorum, et quomolibet
in futurum imponendorum d(ic)to Prioratum, eiusque Cameras pro rata parte tangentium per Te annis singulis in Capitolo Prov(incia)li Prioratus eiusdem, vel in festo S(anc)ti Joa(nn)is Bapt(ist)ae de Mense Junii in manibus Receptoris d(ic)ti Prioratus
deputati, vel deputandi infallibiliter exolvendorum. Invicem maturo, et deliberato Consilio de n(ost)ra certa scientia, et speciali gr(ati)a ad annos decem continuos, et completos, et ultra ad n(ost)rum beneplacitum Tibi Ven(erando) Fr(atr)i Emmanueli Comiti de
Kollowratt tanquam digno praeeminenti, antiano capaci, et optime merito conferimus, concedimus, et donamus, benefaciendo in eodem. Teque leg(iti)mum et canonicum Priorem in d(ic)to Prioratu eligimus, constituimus, et ordinamus. Salvo, et re=
servato jure mortuarii, et vacantis. Salvis insuper, et reservatis d(ic)ti n(ost)ri Magistri quibuscumque Ordinationibus, et praeeminentiis tam per fel(icis) mem(oriae) Fr(atr)em Raymundum Berengarium n(ost)rae d(ic)tae Domus Magistrum factis, et sibi reservatis in
Capitulo Gen(era)li anno Sexagesimo Sexto apud Avinionem celebrato, quam per Stabilimenta, et Cap(itula)res Constitutiones eidem Magistro concessis. Retento etiam, et reservato ipsi Magistro, et futuris, ut si (quod absit) in solutione d(ic)torum Jurium, et
onerum Co(mmun)is Aerarii impositorum, et quavis causa, et ratione per Religionem imponendorum per Te statuto tempore facienda deficere contingat, quod ipse Mag(iste)r, et futuri cum Consilio Procerum, et Fratrum d(ic)tae Domus possint libere disponere, et
ordinare de p(raedi)cto Prioratu secundum formam stabilimentorum n(ost)rorum, Consuetudinum, et Capitularium Const(ituti)onum collatione de d(ic)to Prioratu Tibi facta in aliquo non obstante. Rursus cum retroactis temporibus Priores n(ost)rae d(ic)tae Domus super bo=
nis, et arnesiis Commendatariorum in dies decedentium haberent, et reciperent certa Jura, quae per Ordinationem in memorato Cap(itu)lo promulgatam Co(mmun)i Aerario applicata, et reservata fuerint, et in compensationem ipsorum Jurium concessum fuerit, et
permissum p(raedi)ctis Prioribus ultra quatuor Ordinarias Cameras unam aliam Bajuliam, seu Com(mend)am cum vacabit in eodem Prioratu ad collationem Prioris pertinentem accipere, Tibi quoque eamdem Bajuliam servata stabilimentorum forma
capiendi facultatem, et licentiam impartimur. Committentes Tibi circa curam, regimen, et administrationem d(ic)ti Prior(atus) Camerarum, bonorumque, et Jurium eius defensionem, recuperationem, et indemnitatem tam in agendo, quam defendendo haru(m)
Serie vices n(ost)ras. Quocirca univis, et singulis n(ost)ri Ord(in)is Fratribus, Sororibus, et Donatis in virtute S(anct)ae Obed(ienti)ae, ac Hominibus, Vassallis, et quibuscumque aliis Nobis Subditis in d(ic)to Prioratu constitutis p(raese)ntibus, et futuris sub Sacramento fidelitatis, et
homagii, quo Nobis, et Religioni n(ost)rae sunt astricti, praecipimus, et mandamus, ut Tibi tanquam eorum Superiori, et Priori reverenter pareant, obediant, et intendant, Tibique praebeant auxilium, Consilium, et favorem in omnibus concernentibus uti=
litatem d(ic)ti Prior(atus) quotiescumque opus fuerit, et eos duxeris requirendos. Necnon univis, et singulis d(ic)tae Domus n(ost)rae Fratribus quacumque aucte(ritate), Dignitate, Officioque fungentibus p(raese)ntibus, et futuris mandamus, ne contra p(raese)ntes n(ost)ras L(itte)ras aliquatenus fa=
cere, vel venire praesumant, quinimo juxta earum mentem studeant inviolabiliter observare. Atque cuicumque Ord(in)is n(ost)ri Fratri super hoc primitus requisito, mandamus, ut Te, vel Procurem tuum in pacificam, et quietam d(ic)ti Prior(atus) pos=
sessionem inducat, et inductum conservet, omni penitus contradictione remota. Amoto ab eodem quolibet alio (si quis fuerit) illicito detentore, quem Nos tenore p(raese)ntium amovemus, et decernimus firmiter amovendum. Inhibentes Tibi in virtute S(anct)ae
Obed(ienti)ae, ac sub poena stabilimentorum contrafacienti inflicta, ne praetextu donationis n(ost)rae h(uius)m(od)i aliquid, vel aliqua de rebus, bonis, juribus, praediis, locis, et quibuslibet jurisdictionibus d(ic)ti Prioratus, Camerarumque, et Membrorum eiusdem vendas,
des, impignores, permutes, distrahas, sive in Emphim perpetuam, vel ad tempus concedas, aut alio quovis modo extra Religionem n(ost)ram transferas, sine speciali licentia n(ost)ri Magistri, Relig(ionis) atque Co(nven)t(us) p(ro) t(em)pore existentium. et si (quod absit)
contra inhibitionem n(ost)ram h(uius)m(od)i aliquid, vel aliqua operari, seu facere te contingat, illud, et illa ex nunc, prout ex tunc cassamus, annullamus, et decernimus irritum, et inane, nulliusque penitus existere valoris, vel
efficaciae. In Cuius rei Testim(oniu)m Bulla nostra Co(mmun)is plumbea p(raese)ntibus est appensa. Dat(um) Melitae in Conventu n(ost)ro Die iiii. M(ensis) Octobris 1754.