Lorencz Tulman geswor(e)n(er) richter zum Koltberge von der stattwegen vnd wir
scheppen doselbst Barthill(omeus) lang(e)n(n)ickel hans fost hans Kuman Kunczekeyl
mertin segul(e)r francze otto vnd Nickel Swarczpucz Bekennen das vor vns
Inngehegtem dinge dy Togentsame frawe hillgeryn Stephan hillgers
mit entrednerthe vnd trat abe dy marck Jerlichs zinses den Andachtigen
her(r)n vnd brudern den Creczig(e)n vnsers pharhoffes zu irer pietancia die sie hat
In vnd uff Niclos forsters demuters eydem erbesoucke vnd Barten in der nedir(n)
acz zu neste Schelen gartyn geleg(e)n mitsampt dem hawptbriffe zu thun
vnd zu lassen das die gnay(digen) her(r)n den zins sullen Inford(e)r(e)n vnd manen nach
des hawptbriffs lawt vnd dorumb alle Jar Jerlich den dinstag nach Bartholo
mei sullen begehn vnd halden eyne gancze vilge mit eyn(er) zele messe zu troste
vnd selikeit Stephan hillgers zele vnd alle seynem geslechte nu vnd zu
ewig(e)nn czeit(e)n Mit orkunde dys briues Geben am dornstage vor dem Son
tage Judica Anno domi(ni) Mcccc lxv(o)