FRATER EMMANVEL PINTO DEI GRATIA SACRÆ DOMVS Ho=
spitalis S(ancti) Johannis Hyerosolimitani, et Militaris Ordinis Sancti Sepulchri Dominici Magister hu=
milis, Pauperumq(ue) JEsu X(rist)i Custos: cuicunqve Venerando Ordinis Nostri Priori, vel Bajulivo, cui
præsentes Nostræ Literæ exhibitæ et præsentatæ fuerint, Salutem in Domino, et diligentiam in Comis=
sis. Noveritis, qvod cum NOS, Nostrumqve Venerandum Concilium præclarum Familiæ Genus Illustris=
simi, et Excellentissimi Domini Michaëlis Antonij Comitis Sztaray de Nagy Mihaly è Magnatibus
Regni Hungariæ attendentes, laudabiliaq(ue) Obseqvia, qvæ dicto Ordini Nostro præstare ardenter exo=
ptat, alacriter excipientes, ejusq(ue) Votis unanimiter et libentissimo Animo annuentes, Usum et gestationem
Magnæ Crucis Ordinis Nostri, atqve Habitus Devotionis illi concesserimus: nec non Passagium, qvod
hac de re communi nostro Ærario persolvere deberet, gratiosè indulserimus, et condonaverimus;
Idcircò volentes Concessionem Nostram hujusmodi debitæ, et promptæ Executioni demandari, harum
Serie cuilibet vestrum primum reqvisito committimus et mandamus, ut qvotiescunq(ue) pro Parte
sua reqvisitus fuerit, illum Habitu Magnæ Crucis, per Venerandos Priores, et Bajulivos
Conventuales nostri gestari solito, servatis consvetis Solemnitatibus induat, et insigniat.
Dantes Tibi, ut præfertur reqvisito, in præmissis, et circa ea Auctoritatem et facultatem, tota
literqve Vices Nostras. Taliter igitur in præmissis Te geras, ut tua apud NOS mereatur
commendari sedulitas. In cujus Rei Testimonium Bulla Nostra Magistralis in Cera ni=
gra Præsentibus est impressa. Datum Melithæ in Conventu Nostro, Die XXVI Mensis
May. 1751.
F. in Cancell(ari)a
Coll(ationata)
L. S.
Fr. Franciscus Guedes Vice Cancell(ariu)s
Præsens Copia cum suo originali mihi exhibito de verbo ad verbum consonans sit, præsentibus testor
Vienna Austria die 28. mensis octobris 1754
Fr. Dom. Cæsar de Majano Sacri
equestris Ordinis Melitensis legatus