Sacrae Domus Hospitalis S(ancti) Joannis Hierosolimitani et Militaris Ordinis S(ancti) Sepulcri Dominici humiles Magisterii Locumtenens
Ven(erabili) Relig(ioso) in Christo Nobis praecarissimo fr(atr)i Francisco Antonio de Herzan Nostrae dictae Domus Ven(eran)dae Linguae Allemaniae et Prioratus Bohemiae Militi salutem in Domino sempiternam
Praeclara virtutum tuarum merita, multiplicesque animi tui dotes et laudabilia obsequia per te multis abhinc annis summa cum fidei probitate, singularique prudentia Ordini Nostro praestita, et quae in futurum te praestiturum confidimus, promerentur, ut te ad excelsos gradus, et majora commoda, amplioraque Regimina Ordinis Nostri promoveamus. Bajulivatum seu Commendam Nostram Capi=
tularem S(anc)ti Josephi a Doschutz per renunciationem Ven(erandi) Religiosi in Christo Nobis praecarissimi fr(atr)is Caroli Josephi de Morzin, ad Prioratum Nostrum Bohemiae Promoti, seu verius per obitum Ven(erandi) Relig(iosi) in Christo Nobis praecarissimi fr(atr)is Aloysii Montecuccoli ultimi leg(iti)mi dicti Bajulivatus seu Commendae Nostrae Capitularis Prioris sive Bajulivi, et possessoris, sive hoc, sive alio quo=
vis modo, aut ex alterius cujuscumque persona vacantem praesentialiter, et ad Nostram collationem, electionem, donationem, et omnimodam dispositionem spectantem et devolutam cum omnibus et singulis praerogativis, antelationibus praeeminentis, honoribus, et oneribus, membrisque, et praediis, ac aliis suis juribus et pertinentiis ad eumdem Bajulivatum spectantibus, et pertinentibus, seu spectare et pertinere debentibus, quoquomodo, et cum quibus illum dictus Ven(erandus) P(ater) fr(ater) Carolus Josephus de Morzin habuit, tenuit, et possedit, sive habere, tenere, et possidere quomodolibet debuit, habendum tenendum, possidendum, regendum, augmentandum, et meliorandum in spiritualibus, et temporalibus, tam in capite, quam in membris, sub annua solutione jurium, et quorumcumque onerum Communis Aerarii Ordinis Nostri impositorum, et imponendorum, secundum communem cursum aliarum Bajulivarum seu Commendarum Prioratus Nostri Bohemiae in Capitulo Provinciali Prioratus ejusdem, vel in festo S(anc)ti Joannis Baptistae de mense Junii per te annis singulis infallibiliter exsolvendorum; salvo etiam, et reservato jure Mortuarii, et Vacantis, alias in defectu solu=
tionis hujusmodi, secundum seriem et tenorem Stabilimentorum, Ordinationum, Consuetudinum, et Constitutionum Capitulorum Generalium, super solutione jurium Aerarii ejusdem editarum, et promulgatarum de dicto Bajulivatu, seu Commenda Nostra Capitulari, expresse praecipimus provideri, collatione hujusmodi de dicto Bajulivatu, seu Commenda Nostra Capitulari tibi facta, in aliquo non obstante. Invicem maturo, et deliberato consilio de nostra certa scientia et speciali gratia ad annos decem continuos, et completos, et ultra ad nostrum beneplacitum, tibi, tamquam praeeminentis, digno, capaci, et optime merito conferimus, concedimus, et donamus benefaciendo in eodem. Dantes tibi in nostro Ven(erando) Concilio, et Capitulo Generali, cunctisque Nostri Ordinis Sessionibus locum dicto Bajulivatui congruentem. Committentes tibi circa curam, regimen, et administrationem, ac omnimodam dicti Bajulivatus, bonorumque, et jurium ejus defensionem, et recuperationem tam in agendo, quam defendendo, totaliter vices Nostras. Quocirca universis, et singulis fratribus, Sororibus, et Donatis in virtute sanctae obedientiae, ac hominibus Vassallis, et quibusvis aliis Nobis Subditis in dicto Bajulivatu constitutis, praesentibus, et futuris sub sacramento fidelitatis, et homagii, quo Nobis, et Religioni Nostrae sunt astricti, praecipimus et mandamus ut tibi tamquam eorum Superiori, et Bajulivo reverenter pareant, obediant, et intendant, tibique praebeant auxilium, consilium et favorem in omnibus concernentibus utilitatem dicti Bajulivatus, quotiescumque opus fuerit, et eos duxeris requirendos: Nec non universis et singulis dictae Domus Nostrae fratribus, quacumque auctoritate, dignitate, officioque fun=
gentibus praesentibus, et futuris mandamus, ne contra praesentes Nostras Litteras aliquatenus facere, vel venire praesumant, quinimo juxta earum mentem studeant inviolabiliter observare; atque cuicumque Fratri Ordinis Nostri, super hoc primitus requisito, mandamus, ut te vel procuratorem tuum in pacificam, et quietam dicti Bajulivatus possessionem inducat, et inductum conservet. Amoto ab eodem quolibet illicito detentore (si quis fuerit) quem Nos, tenore praesentium, amovemus, et decernimus firmiter amovendum: Inhibentes tibi, in virtute sanctae obedientiae, ac sub poena Stabilimentorum contrafacienti inflicta, ne praetextu donationis Nostrae hujusmodi aliquid vel aliqua de rebus, bonis, juribus, praediis, locis, et quibuslibet jurisdictionibus dicti Bajulivatus, vel membrorum ejusdem vendas, des, impignores, permutes distrahas, sive in emphiteusim perpetuam, aut ad tempus concedas, sine specia=
li nostra licentia, Religionis, atque Capituli Generalis pro tempore existentium. Et si (quod absit) contra inhibitionem Nostram hujusmodi aliquid, vel aliqua operari, seu facere, te contingat, illud, et illa, ex nunc, prout ex tunc, cassamus, annullamus, et decernimus irritum, et inane, nulliusque poenitus existere valoris, vel efficaciae.
In cujus rei testimonium Bulla nostra Communis plumbea, praesentibus est appensa. Datum Romae in Conventu nostro die Decima tertia Mensis Februarii anno Millesimo octingentesimo trigesimo sexto ab Incarnatione juxta stylum Nostrae Cancellariae secundum vero cursum ordinarium 1837.