Merten lobpencz gesaczter Richter Innamen der stat
gelczig vnd wir scheppen anthonig angilrud fabian stobner
michel aschzehn melchior lindener hanns steinb(er)g symon
tanczbach vnnd merten stobner Bekennen das vor vnns
Inpflichten dyngen her paulus pharher czu Cunr(a)tswalt
vnd her vrbanus pharher czu alcznaw testamentary her
johannes heusslers ggeben vnd antwurt haben eine
halbe marg czinse czu der pradanien vnd eine halbe m(a)rg
In die gemein der bruder des ordens S(an)cti Joh(ann)is Jhero
solomitani laut der alden briue welchi marg geldes
hoff merten waldes gint sticzt Darumb sollen
die genanten herrn czu trost vnd heil der selen her
heusslers czwene aniuersaria ewig halden den eine
vff mitfast den andern vff michahelis sulchs globten
die gemelten hern vor sich vnd ire nachkomeling ewig
czuhalden ggeben dornstag nach trinitat(is) A(nn)o x(v)c septimo