Ich ffrancze Beger Erbrichter in der stadtnaun zu katenbergk vnd wir
nochgeschriebene Caspar Berker andres sumer caspar pommer Marten hei
deler peter rupener hans seiderich vnd Cruger weinholt geschworne schep
pen daselbst bekennen das vor vns in gehatem dinge fabian tegge
Luderhalbe margk geldis ierliches zinses vff seinen hoff in der goltz
bergischen gassen zu neste marten wite gelegen zu der prebenda der Creutz
herrn bekante denselben zins globte er drey firdunge vff assumptionis
marie vnd drey firdunge vff purificationis dornoch volgend
alleriehrlich auff genante zins tage zu gelden vnd zubeza
len ob das nicht geschege so sal yhn der Erbrichter pfandis helffen zu fa
hen an das haws vnd hoffe als recht ist dieselbien pfandt sie zuhant
verkauffen vnd vorsetzen mogen vor den vorfessne zins gleicher weis
so sein alle recht domite begangen weren Auch wen fabian tegge
seine Erben vnd nesten den zins wider abkauffen wollen das solle
vnd mogen sie thuen mit funffzehen gutten hungarischen gulden
oder iye zwe vnd weisgk weisse groschen vor eynen gulden rechen
das sullen yhn die itzigen vnd kunfftigen vorweser der prebendie der
Creutzhern guttlich gestaten Gescheen vnd geben dornstags noch vrbani
In anno d(omi)ni funffzehenhundertsten vnd achtvndzwentzigsten iare