Wir ferdinand von Gottes genaden Römischer Künig zu allenzeyten merer des Reichs in Germanien zu Hüngern Behaim Dalmatien Croatien(n)
Künig Infannt in hispanien Ertzhertzog zu Osterreich Marggraff zu Merhern Hertzog zu Lützenburg vnnd in Slesien Marggraff zu Laußitz (et)c Bekennen offentlich mit disem Brieff
vnnd thuen khundt menigclich Das vnns der wolgeborn vnnserer Cämmerer vnnd lieber getreuer Zbynnek Berka von der Daub auff Strakonitz Oberster maister des Priorats Im Rhaim
dergeleichen die Ersamen vnnsere lieben getreuen N Burgermeister vnd Ratmannen vnserer Stat Lemberg Ainen vertrag der von sambt ordens Brüeder sambt dem gantzen Conuent
des Hauß zu Strakonitz mit gedachter Stat abgefertigten gesandten wegen der Kirchen thenderey daselbst wie es hinfüran gehalten soll werden fürgebracht Welcher von wort zu wort also lautet
Wir Zbynnek Berka Herr von der Daube vnd auf Strakhonitz Oberster Maister des Behemischen Priorats vnnd wir versamblete Ordens Brüeder auf dise zeit vnnd das gantz Conuent des Hauß
zu Strakhonitz haben in Erwegung Jetziger zeit leuffte der stat Lembergk manigfeltige Clagung das Jre Kirche mit Notturfftigen dienern am lange zeit verwiest vnnd gelassen ge
stannden das ordens Hauß aldo zum ajarsten tail durch brünst vnnd vngewitter vast zürutet vnd Eingegangen vnd wie zubesorgen In khürtzer frist gar einfallen möcht das volkh
inder stat desgleichen in dörffern darzu gehorig an Trost mit Gottes wort vnnd reichung der Heiligen Hochwirdigen Sacrament verlassen die lewtte alls Jrrige schaff nicht vmbgeen
dieffeyl wir ains thails mangl vnnd abgang der Ordens Brüeder vnnd Priestern aufm Conuent dise zeit by vnserselben nicht vermöcht vnd also dem Orden mit beschwertern gewissen
des Hauß vnd der Jnbigen zustanndt zu vnuerneidlichen schaden aufgcen In betrachtung dises vnd zuuorkhumen des Ordens Hauß künfftigem vnnderganng Haben wir Zbynnek Berka
Herr von der Daube (et)c Alls Oberster Maister vnnd wir versamblete Ordens Brüeder vnnd das gantz Conuent wie oben vermelt mit guetem vorgeenden Rat vnnd wichtigem bedacht der
sachen zum besten mit den volmechtigen der stat Lembergkh gesanndten Nämblichen Franntzen Vltscheblen Thomas Fenstern vnd Vacteno Ncho volgenden vertrag beredt vnd beschlos
sen Das erst das Hauß mit sambt allen seinen zugehörungen vnd einkhomen wie die imigen genanndt werden gar nichts außgenomen der stat Lembergk sollen geruechlich vnnd
vnmenigclich vngehindert Einntreumen vnd eingegeben werden Syben Jar Aneinander von ajarim des verganngen vierundviertzigisten Jars anzuheben dagegen soll vnd wirt die Stat
die kirchen vnd die darzue gehorenden Dorffschafften mit Cristlichen khirchen Dienern wie vor alters versorgen Zum anndern soll die stat den Lünker hoff widerumb nach der Not
durfft Erpauen wie der zuuor vnder Prieust gestanden ist Zum Dritten soll die stat alle die schulden zallen vnd ablegen die das Hauß zu Lembergk zuleisten vnd zubezallen rechtig
schuldig ist vnnd sonnderlichen dem Herrn Ambrosio Capitain seinem verdienten lon vnd anndern stewer von Zibentail habbfruma vnd zinsz aüch das Jenige so den Hanndtwerckern
dienst potten das Hauß an schülden zuthuen vnd schuldig ist Zum vierden Järlichen auf Johannis Baptiste dem Herrn Maister zu Strakhonitz gebürliche Responsen alls Acht vngrisch
Gulden geben vnd Raichen solicher form obangezaigte Syben Jar stat weise vnd vnuerrucklich von beden taillen gehalten werden Nach außganng aber der Jar solle die Stat an alltwider
redt schuldig vnd pflichtig sein das Hauß mit allem seinem zugehörungen dem Herrn Maister vnd orden zu Jren hannden allenthalben dermassen zu Einntreumen vnd abzuetretten
mit der weis was der stat vertraut an alle schulden vnnd beschwerung beder der heüser vnd derselben zugehörenden Einkhomen ganntz treulich vnd vngefarlick des zu vrkhünd vnd merer
sicherhait Haben wir obgenannt Maister vnnserm vnd des Conuents Innsigl wissentlich anfügen lassen vnd mit vnnserm aigen hannden sich vnnderschriben Datum auff Strakhonitz
Am Sambstag nach sanndt Gregory Jm Fünfftzehenhundert vnnd Fünffundviertzigisten Jars Vnnd darauff Oberster Maister Ordens brüeder Conuent vnd stat Lemberg
in aller vnnderthenigkait angelanngt vnnd gebetten söllen vertrag genedigist zu Confirmiern Ratisiciern vnd zubestetigen Haben wir angesehen diemütig vleis sig bet aüch betracht
guetengrube vnnderthonige willige dienst so sy vnns zu allen taillen offt nutzlich gethan hinfüran wol thuen khünden sollen vnnd mügen Vnnd wol erwegen das beser dem
maistendem armen gemainen man zu trost nutz vnnd guetem geraicht vnnd khumen thüet Vnnd darumben mit wolbedachtem muet zeitigem vorhabenden vnserer Räte
vnd lieben getreuen Rat zu sölhen aufgerichten vnd hierJnnerleibten vertrag bewilligt Consentiert denselben genedigist Confirmiert Ratisificiert vnd bestettigt thuen aüch solhes hie
mit aüs Behemischer künigclicher macht als oberster Hertzog In Slesien Wissentlich in Crafft diß brieffs Maynen setzen vnd wöllen das mergemelter vertrag bestendig vnd volkhumbe
bleiben die taill sonnt Jeden bewerten thuen vnd Jme darJnnen aüfferlegt nutzengeniessen vnd volziehen sollen vnnd mügen menigclichs vnuerhindert Jm fall aber do die von Lembergk
disen vertrag in disem nit gelebten vnd anndere vnkatholische Priester vnd kirchen diener Joder alten loblichen Religion nit anhengig oder dem alten Cristlichen gotz diennst des wir vn
ns versehen nit woll aufwarteten vnd administrierten Das alsdan die von Lembergk schuldig vnd pflichtig sein die Conuentierey daselbst sambt der behausung Jnmassen sy die widerumb
Ein erpaut gepessert vnd Jnnengaben sambt denen darzue gehorigen vnnderthanen vnd guetern Jeder zeit wan die vberschreitung vnd verprechung geschehe vor außgang der Siben Jar von
stund ane aüffzüg vnd waigerung vnd vntern beschaid dem Maister zu Strakonitz vnd seinen orden widerümb en genyetzlich abzutreten vnd einzuraumben Bepieten darauff
allen vnd Jeden vnsern vnnderthanen was gotsen oder andern wirden stands ambts oder wesens die Jm künigreich Behaim vnd fürstenthumb Slesien sein sonnderlich vnserm Jetzigen
vnd künfftigen obersten vnd anndern haubtman In ober vnd Nider Slesien Aüch fürstenthumben geschwidnitz vnd Jaüer den maister orden vnd Conuent zu Strakonitz aüch die von
Lemberg bey solhem aufgerichten vertrag vnd diser vnser bestetigung beyleiblich beleiben zulassen schüzen vnd hanndthaben dawider nit thuen noch des Jemanden zethün gestatten Als
lieb ainen Jeden sey vnsere schwere straff vnd vngnad zuuermeiden das maynen wir Ernstlich Des zu vrkhünd besiglt mit vnnserm künigclichen anhanngenden Jnsigel
Gebenn vnnder vnnder Reichs stat Wormbs den Letsten tag des monats Aprillis Anno (et)c Jm Fünfftzehenhundert vnnd Jm Fünffvndviertzigisten vnnserer Reiche des Römischen Jm
Fünffzehennden vnnd der Anndern aller Jm Neuntzehennden Jaren
Ferdinand