Wir Burgermeister und Ratmanne der Stadt Briegk bekennen offentlich mit dissem brieff, das
wir einen wolbesigelten offentlichen kauffbrieff Briegk mit unserm der Erwirdigen hochgebornen fursten und frawen, frawen
Ludwigk in Slesien hertzogen und frawen zu Lignitz und hern Briegk anhangenden Insigill versigelt und
bekreftiget In unsern henden gehabt, den besichtiget und horen lessen und allenthalben an pergamen und schrifften gantz
tigklich und unverseert befunden haben, Innhaltende von worten zu worten wie hernach volget: Wir Ludwig von
gots gnaden In Slesien hertzogen und fraw zu Lignitz und hern Briegk bekennen offentlich mit dissem brieff
allen den dy in sehen horen ader lessen, das vor uns komen ist der Erwirdig und wolmechtig her Hanns hund Bruder des Ordens
Sancti Johannis von Jherusalem unbetwungen und ungezwungen, sunder uff seinen gutten willen, betrachtende seines selen hey
likeit und ouch segen seinen Orden wol gethan und thet an uns gesucht und gebeten, das wir Im her Hanns hund zu rechten
widerkauffs Nemlichen funff margk zins in und uff den guttern und dorffern Czempritz und polnitzschen heigell, die etwan
und vorzeiten gewest sein Nickels und Sigismunds Gebruder gesteten, und Item abermals funff margk zins in und uff dem gutte
Czempritz, beide des Briegkischen gebiete, die Item vormals und vorzeiten gehabt hat her heinrich Schindell seligis gedecht
nisse, solchs zins an in zwo von seiner Ehen wiben nach lautenden zceigunge uff in erlawssen und bekomen sein wiewol
der kauffbrieff lautende in und uff das genante gut Czempritz Innhalt acht margk geldes, so sein doch drey margk
zinses darvon und daruff als uns der vorgenante her Hanns wol und kentlich underweist hat abgelost worden, solchs seins
zinses der obgenante her Hanns hundt enteusert und geeigent dem genanten Orden sanct Johannis von Jherusalem
In die obediencz und ufflassende nach seinem tode menlichen zcehren und in welch gewalt her die bis seinen leben
ader tode wirt besitzenden und kemen brudern des ordens perschulichen vordienet, darumb dem die gemelten bruder ver
pflicht sein sullen dem genanten hern Hanns hundt nach seinem tode alle Iar Ierlichen eine begengknisse seines
selen gedechtnisse mit wachen und Messen zubegehen, darzu der genant Hanns hund selbs gestifft bis seinem leben
bestehendt und die genanten Czehen margk geldes In seinem Testamente und ewigen Testamente gegeben hat nach lautte
und Innhaldunge der alden kauffbrieffen beider vormals uber solchs zinses gegeben, und wir haben von unsern
furstlichen gnaden von unsern wegen und auch an stat und in voller macht diss hochgebornen fursten hertzogk friderichs
unsers lieben Sons auch hertzogen zu Lignitz und landesfursten zu Briegk solchs obgenantes Testament und Be
geiste Confirmirt in crafft diss brieffs, den wir haben lassen besigelt werden zu rechter bestetigunge mit unserm
anhangenden Insigill, Gegeben und Geben zu Olaw am Montage vor des heiligen Iars kuge tagk Nach Cristi
1464 geburt virtzehenhundert Iar darnach in dem vier und sechtzigisten Iare. Czu warer Urkunde haben wir unser
Stadt Sigill hirauff unden lassen Geben zum Briegk dinstags am Abende Sanct paulus bekerunge
1542 Anno domini tausent funffhundert und Im zwei und viertzigisten