Ich her Nidos Berolt Bruder des ordins sinte Johannis von Jhrlm Compt(ur) czum Tynce
Bekenne offinlich mit dezim brife allin den dy en zehen horin adir lesin das is vor min
Keginwort ist gescheen mit mym willin vnd gunst das vnser vnderseze Hannos Dobrysth
Schulcz czu Carczin vnbetwongin mit wolbedochtim mute vn(d) gesindin libe ouch mit
willin syner elichin hussrauwen Margarithin hat recht vnd redelich vorkoufft eyne
halbe marg ierlichs czinses gut grossin Behemisch moncze in polnischer zal yn vn(d)
vff alle deme gerichte czu Carczin vn(d) vff allir czugehorige der pyctanczin czum
grossin Tynce vmb funff marg gut grossin der obgenantin moncze vnd zall dy em
dy pyctanczie gancz vnd gar beczalte mit gereytem gelde mitnander yn eyme
hawffin So ruffte der obgnante Hannos Dobrysth syne vndersezin Mathus Stankin
mit der Slambokynne mit eyner huben erbis Nykusch Borchart mit eyn(er) hubin
vn(d) bis Thomas mit eyn(er) hubin vnd Hannus Polan mit eyner hubin dy do oblich
sind mit allin czinsin gehorin czum gerichte czu Carczin vnd wysete se mit der
halbin marg czins an dy pyctanczie dy vorlobetn sich dy selbin vorgenantin
leuthe dy selbe halbe marg czins vnworgczoclich czu gebin vn(d) czu beczalin ierlich uff czwe
ne tage eynen firdung vff sinte Walp(ur)g tag den nestin ankomftigin vnd den andirn
firdung vff sinte Michels tag den nestin dornoch Idoch mit sulchir vndirscheit wen is der
obgnante Hann(us) Dobrysth adir syne erbin czu wellin den czins widir abe kouffin
das sal en dy pyctanczie wol gunnen vn(d) schedelich vorlessin czinsin Ouch ap dy vorgenantn
leuthe dy vorgeschrebne halbe marg czins vff dy borgnate czeit nicht gebe(n) so sal ey pye
tanczin meyst(er) der czu den selbin czeitin ist adir wirt gewalt vff d(er) obgnantn leuthe gute
vn(d) vff der schulcze vnd vff andir czugehorige pfendin vn(d) mit den pfendin tuen
alzo alle recht do mete vor gerichte werin begangin Do by sint gewest dy erin h(er)rn
des ordins Her petir waczals pfarrer czum Tynce her petir der spital Compt(ur) vnde
ouch pyctanczin meyst(er) czu d(er) czeit was her Hann(us) von der wede her lorenc globener
her Janchin her pastor Conuentbruder do selbist czum Tynce der vorschribin
zachin eyn eyner orkunde so hab ich obgnanter Nidos Berolt von lowbe vnde
gewalt myns h(er)rn des meyst(er)s myn Jngesigel an desin briff lasin hengin Gegebin
vnd gescheen noch crist gebort firczinhindirt iar dornoch yme zcebindin iare am
nestin suntage noch der besneidunge vns(er)s h(er)rn Ih(es)u c(hristi)