Wir Johan Herr von Warttenberg, der Elter, des Böhmischen priorats
Oberster Maister, auf Strakonitz. Wratislaw prior des Strakonitzer
haus vnser lieben frawen vnd zu ende der Brüder zu prag auff
der Klein seitten, Vnd die gantze samblung des Ordens des hailigen
Johannis. Bekennen offentlich mit disem vnserm Briefe.
Nach dem die Edlen Erentuesten baide brüder Schindel, vnge=
sondertt gesessen zu drosdorff, vnserm Ordens pruder Herrn
Nicklas Hanttewgen Comendator zu straga, dreihundert mark
300 vngrisch guldenn, so wier vnd vnsers Ordens Brüder der
Römischen zu hungern vnd Behaim (etc.) Königlichen Ma(ies)t(a)t
wider den Türckenn gegeben, gelihen haben, auf gnediges
Zulassen Rö(mischer) Kün(iglicher) Ma(ies)t(a)t. Auff die dorffer Zeltz vnd Lissen
vnd ander gueter so zu dem Comptor hauß zu straga gehörig
In ainem Zins, vnd auf ainen widerkauf, Im massen das der
Königlich Lehen vnd pfandtbrief besaget welchen gedachte
Schindel, bey Ihen handen habenn, deselben wellen wier aus
Krafft vnnd gewalt, vns aus Zulassenn, der Rö(mischen) Kö(niglichen) Ma(ies)t(a)t
als oberster Maister des Ordens vnd priorats Behaim, Vnd In
namen der gantzen Samblung, sollichen widerkauf gewilligt
haben, willigen vnd Zulassenn den Krafft dises, darumb
alle vnser Ordens pruder, vnd menniglich, das gedachte Schindel
Ir Erben vnd Erbnehmen, vnd rechte nachkomen, sich des
Königlichen briefes, so sie vber die dorffer, Zeltz vnd Lissen
vnd ander Ordens gueter, Zu dem Comptor hauß zu straga
gehörendt, bekomen, wie die pflege In allen seinen puncten
vnd artickeln besaget, halten sollen vnd mögen, Von vns
vnd allen vnsers Ordens brüdern vnd sonst von menniglich
gantz vngeirrett vnd aller sachen vnbeschidert. So lange