Wir ferdinand vonn gots gnaden Romischer Hungarischer und Behaimischer künigk und verkaufft hie Schweidnitz Bekennen offenn=
lich mit disem brive vor allenn die ihn sehen horen oder lesenn das unser lieber getreuer Balthasar Seydlitz zu Burgkersdorff unnd czanreht
daselbst zu Schweidnitz gesessen hat das wir selbs zusehen habenn und mit ime unser lieben getreuen unnd czanrehtenn Heinrich von Czirn
Hans vonn Pognaw zu Wolkendorff Balthasar peterswalde zu weyrisch George Schindel zu Brawenhoff Hieronimus thommenheym unnd Craf=
mus freindt Bekennen das vor uns komen ist Jorge czankel von schrammshayn welcher von dem erbarnn und weysenn hern Niclas
gestrenge Comptur zur steigen mit unsers herrn künigs grossen Ingel furbracht und ihn umb ein erkantnus der warheit ersucht hat was ime
bewust das die dritthalbe hube erbs zu schrammshayn der hawsdorff genant welche der Ehrwirdige und Gestrengs herr Sigemund
Wolffs ettwann Comptur zur steigen dem gots gnade dem Michel Seydlitz zu ewigem Erbkauffs geben Czwainzigk eynen halben marck
was Erbarn raths der stat Schweidnitz Ingesigel besigelt und vergewist und alß zum Compturhey oder dem hawse zur steigen erblich komen
und weyst die vorigenn hern Comptur zur steigen dieselbenn dritthalbe huben ehr und allwege umb eynen Ierlichen zins Weme sie ge=
wolt und vergonst Eynngelossen und vermittet was Iderman ungehindert Zum andern als Ime weyst bewist das hans Schindel auß dem
hohenthal die armen lewte welche die achttunge vonn dem hern Comptur gehabt darumb das genanter hans schindel dem forigen Comptur
befrimdet die vonn abgedrungen und alß die achttung umb eynen Ierlichen zins derselben dritthalbe huben zu sich bekomen unnd
darumb belangende die vierdehalbe huben uff welchen vor alters eyn hawse gewest welche noch den Nahmen der pawren die druffe gewonet
und noch hewtige gehaissen seyn Nemlich Adam linder welcher peter hohfart der elter das weyst dieselben vierdehalbe huben durch
verweystung und als fur den zins seint lygen verblieben und alß an die Compturhey gegen der steigen erblich komen und gefallen durch was
heute aus solchem grunde gehorig seyn werden als Ime weyst wissentlich sey das ehr und allwege die vorigenn hern Comptur zur steigen
dieselben vierdehalbe huben als ir eygenthumb umb eynen Ierlichen zins Eyngelossen und vermittet haben weme sie gewolt unnd wem ge=
fallen vor Idermenniglich ungehindert und was der stift allenthalbe thunne wissentlich sey Nach ynnerung und uffgabe des vorstehers
kaute an yeder stat mit uffgehabten fingern zu gothe gesworen ist alß das weis weyst das die dritthalbe hube das hawsdorff genant
von dem hern Comptur Sigemund Wolffs seligenn gekaufft hat sunder habe gehort das sie die Comptur allwege vermit haben und
habe noch gehort das ymandt do wider geredt hat Zum andern weis weyst das Ludwigs hawse selige huben ym achtung gehat hat
die ist schindel eynig gewaltig gefaren und doruff ackern lassen alß ist Ludwig zum hern Comptur gegangen und sich solichs geclagt so balde
der Comptur gesagt haben er wolt sie schindeln vermit denn datten weis weyst weyst das es vierdehalbe huben sunder allaine drey seyn und
die eynne haben die Comptur vermitt von den andern zwoen haben die pawer gesacht das sie ym gehat haben das sie aber fur den zins solten
lygen welchs den seyn weis weyst weyst und habe anders noch gehort den das sie noch drey gefaren Zum vierden weis weyst weyst von der ver=
weystung der vierdehalbe huben alß vil was ym wissentlich damit er seynen eydt entpunden hat Mit urkhund diß gots mit unsrem
czanreht anhangenden Ingesigell Geschehen zur Schweidnitz czwintags ym nechsten czwintagk nach der heyligen dreyer künigen
tagk Nach Cristi gepurt funfftzehenhundert darnach ym eynundviertzigstenn Iare