Wir Agnes von gotis gnaden Herczoginne in Slesia und wibe zu Svelin gelobin
in guten truwen an alle argelist dem hochgeborn fursten Symonich herczogen von
Cesschin Cumtur zu der Svelin und den Cumturin dy do selbist noch im
werden und dem orden daz wir keyne gewalt noch unrecht den Luten zu Srofin
zu hermansdorf und zu gergenow der dorffer dy in unsim lande zu Svelin gele
gen sint tun ensullen unschedelich uns an unsin furstlichen Rechten dy wir uf den
selbign dorffern und Luten habin also daz dy selbign heren by irem Rechte und
wir ouch by unsim furstlichen Rechten dy wir do selbist habin bliben sullen. Gegebn
zu wansow am fytage vor Sente Nicolaus tak In den Jarn unsis heren Tusint
drihundirt Jar in dem sebin und sechczigisten Jare under unsim hangendem
Ingesegil do by sint gewest dy Erbir Lute her Jan von Svelin henczil von Bisschof
heym hennich grimal Vucze von Svelin hanke Cema her hannus Buge her Bern
hart alsile schenke von witelwicz hosman pouduske Vucze von Arnoldsdorf und
franczco statschriber von Svelin.