Ich Sebastian von Schenck vnd Raurenn Sanct Johannis hierosolimi
tani Ordens Rittersprueder vnnd Commendator zue Striegaw Bekenne vnnd thue kundt hiemit offentlich vor Allermeniglich das vor mich
khommen sein, nemb(lich) d(er) Edl vnnd(er) Ehenuest Hanns vonn Dromsdorff zue an einem, vnnd d(er) Ersame weise Georg Kriebell Burger zue
Striegaw, andern theils, vnnd haben mir ainen auffrichtigenn khauff, wegenn Hannsenn vonn Dromsdorff garttenn In d(er) Alt(en) Striegaw,
zwischenn dem Schießhaus, vnnd d(er) Stadt scheur, vor alters Im sodenn weyern vnnd grabenn gelegenn, vorbracht, vnd vmb vberlassung desselbig(en)
khauffs angesuecht. Darnebenn bekandt Hanns vonn Dromsdorff, vor sich, wegenn seines weibs Anna, vnnd Erben, vberkhomen, das Ime
offtgemelter Kriebell, soligenn garttenn, auffrichtiglich vnnd Ehelich bezallt. Gelobende vor sich vnnd All die seinen, gedachten Kriebell
sein Erben, vnnd Erbnehmen, nymmermehr nicht anzusprechenn, wed(er) gaistlich noch weltlich, auch sonst In kainer andern weise. Vnd vnnd
Erblich. Darauff hab ich angesehn, Irer weyder bitt, auch gehorsame willig dienst, so dem Ordengotshaus, vnnd hinfuro thun
sollen vnnd wollen. Bestettige, Confirmire, nütz vnnd vnnge, dem obgemelten Georg Kriebell, Magdalena seiner Eheligenn
hausfrawen, Iren Erben, vnnd Erbnehmen, soligenn Garttenn, mit aller recht, vnd gerechtigkeitt, so massen Ihm seinen vorfaren
Inngehabt, vnnd genossen, denselbenn zue geniessenn, zuegebrauchenn, zueuerkhenn, zueuerwechseln, zueuerkauffenn, vnnd an denn zewen,
bestenn nutz, nach Irem gefallenn, anzuwendenn. Dauon soll vnnd wil er Ierlichen d(er) Commenda zue Striegaw, vermoge d(er) Alten
Lehenbrieff, zinsenn, auff Michaelis achtzigenn groschenn, vnnd Walpurgis achtzigenn groschenn. Mitt diesem vorbehaldt. So d(er) Ordenn
umb d(er) zeitt, soligenn Garttenn annehmen woltenn, soll er, vnnd All seine Nachkhomen, Ihenn denselbenn, In dem khauff, wie er
Ihn angenohmen, ohnn All mittell. Doch d(er) besserung, vnnd des Ordens Recht vnnd gerechtigkeitt, frey vnnd vnuorhindert
loßzuekheuffenn schuldig sein. Desß zue vrkhundt hab ich soligenn Lehenbrieff, vor mich vnnd meine nachkommen, denn
Commendatorn, mitt meinem angebornenn Sigill, wissentlich vorfertigenn lassenn. Geschehenn, vnd Gebenn, auff d(er) Commenda
zue Striegaw, dinstag nach Petri Pauli. Nach Cristi geburtt, Im Tausent, funffhundertt, vnnd Sieben vnnd
Sechtzigstenn Jarenn. Dobey sein gewesenn d(er) Erwirdige Julius vonn Reichenbach, d(er) Eruest vnnd streng, Georg schram
Ambtmann gedachter Commenda, vnnd Georg Roll vonn Briegg, dem dieser brieff vbergebenn wardt.