Ich Jmprecht Schinnek bruder der Ritterschafft Ordens Sanct Joannis des tauffers von Jherusalem Bekenne vor Jdermanigklich dy dysen briff
sehen ader horen lesenn das ich mit gutem wolbedachtem rathe meiner bruder des ordens recht vnnd redlich den Kretscham mit zcwene huben
ackers mit beidem Eygenthum wie dy vor alters da zcu gewesenn abegemessenn vnnd gelegenn seynn vorkaufft dem Vorschettigenn Matthes vnnd
frawen Zofien seynem ehelichen weibe Jren erbenn sonen vnnd tochtern dy den genanten Matthes Zuben vnnd seiner ehelichenn hawsfrawenn
der almechtiger got gegeben hat vor anderhalbe hundert margk gringer muntze gewere dyser lande dy vns der genanter Matthes vnnd wir
vmme den ordenn alleredt zcu guttem danke beczalet habe ich auch gethan vleysige ansu(ch)ung vnnd bithe an edlenn vnnd Ernuestigken her hans
Jannuschenn von weickewitz meins gnedigenn herrn vnnd herczoge von balcksteynn hawbtman genant vmb obengenantenn Matthes vnnd
Jren seiner ehelichenn hawsfrawen vnnd Jren erben vnnd nachkomlingen sonen vnnd tochtern obgenante Kretscham wie oben awsgedruckt vnnd
aller seiner zcugehorunge gerechtigkeite vnnd nuczunge keyn vnnd reiche da aws dyses briffs von mir vnnd Jnsunderheit meiner bruder vnnd nachko(m)
mende Comtor an gedachten Kretscham zcu habenn zcuhaltenn vnnd zcubesiczenn Erblich vnnd ewiglich getrewlich allenthalbe vngehindert zcuver
kauffenn zcuvorsetzenn zcuvorwechseln vnnd an seynen bestenn nutcz vnnd fromen zcuwendenn Doch des ordens gerechtigkeytenn allewege vnsched
lich Auch den dy herrn Comtorn Jtzundt ader nachmols seynn werdend ein Jare bawenn werdend vff den Kretscham das sall obgedachter Matthes
vnnd seine nachkomlinge nhamen vnnd theilnehemen vnnd beczalenn an alle eynsage vnnd widerrede vnnd rechten erblichen erbczins sall
obgenanter Kretschmer alle Jar Jerlichs gebenn vnnd seine nachkomende erben dem hawse zcu cleynn Oelsenn allen Comtorn der Jtzundt yst
ader nachmols seynn werth funff margk heller vff heymitage zcugebenn dritte halbe Margk vff Martini vnnd dritte halbe vff walpurgis
hernach folgendt Auch leynget der Kretschmer dem pfarrer der Jtzundt yst ader nachmols seynn wirdt vnnd der kyrchen ein halbe margk zcugeben
den nechsten Sontag nach vnser lieben frawen virgeweige velchs genant halbe margk zcu abelczenn stetcz Jnhalde Jres briffs vmb ewigkeyt
Zcu stetcz vnnd Jntodysfalle der gedachte Kretschmer vnnd dy zcwene huben entledigkenn von der erbschafft bleibenn vater vnnd muter sonen
vnnd tochtern Jntodysfallenn vorstorben so got wende also denne sall sulche Kretscham mit seiner zcugehorunge zcu hawse zcu cleynn
Oelsenn widerumb gefallen vnnd komen an den ordenn ader des ordens vorweser vnnd dy Comtor dy Jtzundt seynn vnnd nachmols
seynn werdenn an allen eynlesse vnnd eintrack sulche besiczunge zcu Meher zcuversicht habe ich obgemelter herre Mein vnnd des ordens
Jnsigell an dysenn briff lassenn hengenn Der do gegebenn yst zcu cleynn Oelsenn vff dem hawse der loblichen gestifftis vnnd des
Ordens Am Montage vor Sanct Martini des heiligen bischoffs Nach christi geburth Tawsent funffhundert darnach Jm achtem Jare
Zcu geczewge sulcher bestetunge den bestetigenn her Sigmundt beltez her Mathes lubschiczer dy zceit prior Martin stosske amacht
man vnnd wenczeslaus schulmeyster dem dyser briff befolenn wurdt