Wir Hannan Alder Richter Andres ploner Mathes gros Schopfenmeyst(er) Thomel prawmbart Niclas schoher Cuncz payer
wenczlab kauffman Hensel heckel hanns schuttenhelm Hannan kumpner hansman koknizer Hensel gugel Jacob
ffuczal Jicz clems der jung und dy and(e)n schepfen gemeinleich des perges gny chuitn Bekennen und tun kunt alln den dy nu sein
ader hernoch kunftig werden das fur uns komen ist in eime vollen Rat do alle sache craft und macht nemen und behalden der be
scheyden Stephan hager uns(er) lib mitpurg(er) und hat bekant mit wolbedachtem mut willeleich unbetwungen von sein aller seiner erbe
und nachkumlingn wegen wy das er recht und redlich vorkauft und aufgebn habe vorkauft und aufgibt mit craft dicz priefs auf seine
hofe und erbe genant czinkowig gelegn in czasslab(er) kreis auf alle und igliche seine zugehorungn wy dy mit name genant muge w(er)d(en)
Sechs schok guter gros jerlichs und ewiges czinses dem erbn h(er)rn linharten eysengrub priest(er) und seine nachkumlingn priest(er)n
umb Sechczig schok gros dy gar bezalt sein zu eime ewigen Gesgeret und zu einer ewige mess dy der Niclas halifex guter ge
dechtniss gestift hat und bescheiden zu lezen und zu halden dy selbe mess in der obern kirchen auf dem Alter der czwelfpoten ge
legn kegen den kramen wercz in dem winkel von dem egn(anten) h(er)rn linharten und von seine nachkumlingn priest(er)n in allem rechten
und in aller weys als Niclas halifex h(er)rn ch(ri)stoffen gut gedechtniss auch Sechs schok czinses hat bescheiden zugebn und zuzinsen ein
halbenteil des vorgen(anten) czins das sein drey schok guter gros auf sant Jorgen tag und das ander halbenteil auf sant Gallen tag das seint
auch drey schok derselbn groschen unvorgogenlich und also czinsn und czuzinsn auf dy selbn czinstege son klach als czins recht ist
eincleich in czukunftign czeitn Ouch also bescheidenlich wen der oftgen(ante) Stephan hager seine erbn ader nachkumlingn ein also
gewissen ewigen czins Sechs schok gros zu dem vorgen(anten) Gesgeret und zu der ewigen mess auf eime and(e)n erbe und Gut
kauffen und czewgen so sol das obgen(ante) Gut und erbe zu czinkowig mit alln seine zugehorung(en) des selgen czins frey sein
und ledig dis sache zu geczewkniss haben wir unser gemein Ingsigel das grosser an disen prief gehenget der do
geschribn ist noch cristi gepurt Tausent drey hund(er)t und in den Newn und Newnczigsten Jaren des Sunnabendes
noch dem Obersten tage