Wir Wenczlab von domyn Richter hensel grewsse Niclas kussenpfennig Scheppfenmeyst(er) Paul Meyler d(er) cleme Thomas Eger Tirdel kurczw hensel
mit dem czopp Paul prenner Peter prellb(er) Paul Grepmel Nicol Elbel vnd die andern Scheppen alle gemeynlich des Bergs zun Chutten Bekennen
offenlich mit disem briue allen den die In sehen ader horen lesen das fur vns kumen sein in eynen vollen rat do alle ding crafft vnd macht behalden die Erbr(e)
frawbe Anne stieffenn Wenczlabs Wunderlweynes dem got gnade hawssfraub vnser libe mitburgerynne mit sambt den Erbern diten Wolfart vnd Tris
tram yren sunen vnd haben doselbst fur vns emtrechtlich Bekant das sy miteinander von yren vnd aller irer erben vnd nachkumlingen Wegen recht vnd
redlich vorkaufft haben vnd vorkauffen in crafft dicz briues vff yr besten erb vnd gut genant Wedem gelegen im Czaslawer kreyse vnd vff alle ire zugehorunge
Wie die genant sein czehen schok guter gross prager muncze Jerlichs ewigs vnd freyes czinses den Erbern herren Conrad von O~l~ab~e~ pherd czu den czeitn
der dewoczen Prediger in Sent Barbara kirchen gelegen vor dem egten Berge vnd Jacobo Wolstermus czu den czeiten d(er) munczschreiber vmb hundert schok d(er)
egenan gross die die egenan frawb Anna vnd yre sune in bereitem gelde von yn gancz vnd gar haben empfangen Also das die egenan frawb Anna yre
Sune yre erben vnd nachkomen besicz(er) der egenan guter eyn halffenteil desselben czinses das sein funff schok d(er) egenan gross sullen reichen vnd czinsen vff
sant Gallen tagte der am nechsten kumpt vnd das ander halfenteil das sein auch funff schok der egenan gross vff sant J~e~rgen tag dornach vnd also alle jar
erblich vff die selbn czinstege czu czinsen als czins recht ist an alles vorgihen vnd an alle helffrede in kunfftigen czeiten vff Welichen czinstage der obgen
czins von yn iren erben vnd nachkomen besiczern der egten gutern nicht gancz vnd gar gericht vnd boczalt Wurde das got nicht engibe Alsulane nach eynem yelichen
czinstage sullen alle Wochen vff eyn yelich schok gross des vorfessen czinses siben gross czu rechter czinsbus gen vnd Wachsen vnd Wenn die egenan herrn Conrad vnd Jacob
ader die besiczer dicz briues ichts vorfessen czinses mitsambt den czinsbussen die dorauff gegangen Weren lenger nicht enperen Wolden so mugen sy ader Wem sy das emp
felhen mit hulffe des Richter vnd d(er) Scheppen des Bergs czun Chutten ader mit aller der hulfe der sy dorczu genyssen mugen die obgenan guter vnd yre zugehorung
ader alle ire lewe pfenden ader vffhalden Wo sy des bekumen mugen vnd die selben pfant treiben tragen furen kauffen vnd in yren vorfessen czinse vorseczen ader
vorkauffen geteilt ader miteinander czu Teylen ader Jnden an vffgebot eynes yelichen rechten ader yrczgen guter mit willen rechen vnd das so offte tu tun als offte der
obgenan czinse vff seine gelbonlich czinstege mitsambt den pussen die dorvff gegangen Weren von yn iren erben vnd nachkomen besiczern der egten guter gancz vnd gar belib
vnbergolden Auch gelubt die egenan frawb Anna vnd yre sune fur sich vnd alle yre erben vnd nachkomen besiczer d(er) obgenan guter das sie sich in keynerley Weyse
Wider alle obgeschriben punct vnd artikel nicht behelfen sullen Weder mit geystlichen Werltlichen ader lantrechten ader Wie das mocht erdacht Werden das den obgenan
h(er)ren Conraden her Jacoben ader besiczern des briues an dem obgeschriben czinse schaden brengten mochte sunder alle ding stet vhest gancz vnd jmmer vnberbrochenlich
halden bey guten trewben Auch hat die obgenan frawb Anna mit sambt iren egenan sunen gelubt fur sich fur yre erben vnd nachkomen besiczer des briues sy
mit der Scheppen vom Berge Wissen inen das sy dornach allczuhant in czweyen moneden In Wollen vnd schullen den kauff d(er) obgenan guter vnd aller ir
zugehorung in die lanttafel legen vnd spralb~c~zen do fur seczen als das lantrecht eyscht vnd vordert bey der puss czehen schok der egenan gross die man vordern sol in
dem rechten als den rechten czins als offt sich das geburt vnd Wenn der czins also als oben begriffen ist vber in die lanttafel gelegt So sol d(er) vns furba~s~ diser briff
keyn macht noch crafft haben in kunfftigen czeiten vnd Wenn die offtegenan frawbe Anna yre sune ire erben ader nachkomen besiczer der egenan guter den besiczern
dis briues vff eynem gelbussen gut in allteren meylen vmb den Berg gelegen kauffen czehen schok guter gross czinses in yren nutz vnd ewigs freyes d(er) also gelbusses
czinses mit sulchen puncten vnd artikeln als oben geschriben stet So sullen allczuhant die obgenan guter mit yren zugehorungen von dem obgenan czinse
furbaz sein frey quitt vnd ledig vnd Wer disen briue mit d(er) egenan herren Conraden vnd Jacoben gutem Willen hat den sullen die obgenan guter
recht czu dem czinse des czu geczeugnuss So haben Wir vnser gemeyne In~s~igel das grosser mit Wissen an disn
briue gehangen der gegeben ist vff dem Berge Czun Chutten nach Cristi geburt Virczehenhundert jar dornach in dem newnczenden jare an sant
Jacobs tagte des heiligen Czwelffboten