Ferdinandus Divina favente Clementia Romanorum Rex
semper Augustus, ac Hungariæ, Boemiæ, Dalmatiæ, Croatiæ (et)c(etera)
Rex, Infans Hispaniarum, Archidux Austriæ, Marchio Mo=
raviæ, Lucemburgensis ac Silesiæ Dux, et Marchio Lusatiæ (et)c(etera)
Notum facimus præsentibus, quod constitutus in præsentia
nostra Venerabilis Ciprianus Luticensis Decanus in Karlstein
fidelis noster dilectus, nos petijt q(ua)liter omnes, et singulas
literas, Indulta, Privilegia, libertates, immunitates, et Jura
universa prædecessoribus Prædecessoribus suis Decanis et Cano=
nicis in Karlstein a fœlicis memoriæ Antecessoribus Nostris, Ro=
manorum Imperatoribus, et Regibus Boemiæ concessas, gratio=
sius approbare, ratificare et confirmare dignaremur. Quare
nos vestigijs Prædecessorum Nostrorum inhærentes (ut quæ pro
Animarum Salute Sanctissimis Ecclesijs pio donata sunt affe=
ctu) protectionis nostræ foveamus auxilio, Et veterum San=
ctas innovantes memorias, etiam partem cum pijs capiamus
Donatoribus. Condignis itaq(ue) precibus supradicti Decani
in Karlstein assentientes, omnes illorum literas, gratias
Indulta Privilegia, Libertates, Immunitates, et Jura univer=
sa præsentibus confirmamus, ratificamus, et approbamus,
ac si præsentibus essent de Verbo ad Verbum insertæ, signanter
vero binas Literas Caroli Quarti Romanorum Imperatoris