Nos Josephus Secundus divina favente Clementia electus Romanorum
Imperator, Semper Augustus, Germaniæ, Hierosolymæ, Hungariæ, Bohemiæ, Dalmatiæ, Croatiæ, Slavoniæ, Galiciæ et Lodo-
meriæ Rex, Archidux Austriæ, Dux Burgundiæ et Lotharingiæ, Magnus Dux Hetruriæ, Magnus Princeps Transylvaniæ, Dux Mediolani, Mantuæ, Parmæ, Comes Habsburgi,
Flandriæ, Tyrolis(que). Reverendissimo Principi, devoto, fideli Nobis dilecto Antonio Petro, Sanctæ Metropolitanæ Ecclesiæ Pragensis Archiepiscopo, Consiliario Nostro actuali intimo,
et Primati Regni Nostri Hæreditarii Bohemiæ, Legato Nato, Ordinis Sancti Stephani magnæ crucis Equiti, aut ejus in Spiritualibus vicario, seu officiali generali, aut illi vel illis, ad quem
vel ad quos jus investiendi ad infra nominatum Decanatum pertinet, Salutem, benevolentiæ Nostræ affectum, gratiam Cæsareo-Regiam ac omne bonum: Cum exemtam decanalem Ec-
clesiam Carlsteinensem post obitum reverendi, devoti fidelis Nobis dilecti Patris Amandi Blaha, Ordinis Sancti Benedicti Professi ad Sanctam Margaretham prope Pragam vacare con-
tingat, jure Patronatus, seu præsentandi Nobis competente Decanatum hunc cum annexis Capellis Regiis Reverendo devoto fideli Nobis dilecto Francisco Brigido de Przezowiz
libero Baroni de Marnsfeld Præposito ad omnes Sanctos Pragæ ad humillimas preces ejus, et ob egregia, qua Canonicus Vicegradensis per Sexcedim, et qua Præpositus ad omnes Sanctos
per Decennium in Administratione Spiritualium mox fatæ Ecclesiæ comparata merita clementer conferimus, eundemque ad præmemoratum beneficium decanale in Carlstein præ-
sentamus, et pro sufficienter præsentato haberi volumus. Devotionem vestram, ac vos benigne requirentes, ut supradictum Franciscum, liberum Baronem de Brigido, aut
designatum ab eo procuratorem legitimum in actualem et realem possessionem Decanatus Carlsteinensis introducatis, vel introduci faciatis, dans et assignans ipsi omnia de
jure observari solita, cum fructuum et emolumentorum omnium huic beneficio et Decanatui annexorum perceptione. Harum testimonio litterarum manu Nostra subscri-
ptarum, sigillique Nostri Cæsareo-Regii, et Archiducalis appensione munitarum, quæ dabantur in civitate Nostra Vienna die ~27ma~ mensis Aprilis anno Domini millesimo
septingentesimo octuagesimo primo, Regnorum Nostrorum Romani Imperii decimo octavo, et hæreditariorum primo.
Josephus