LEO PP. XIII.
Universis X(t)ifidelibus p(raesen)tes Litteras inspecturis salutem et ap(ostoli)cam benedictionem. Cum, sicut accepimus, in loco dicto
= Vetus Boleslavia = Dioecesis Pragen(sis) antiquum B(eatae) M(ariae) V(irginis) in Caelum Assumptae Sanctuarium existat, quo multa peregrinorum
millia ex finitimis regionibus conveniunt; Nos, ad augendam fidelium religionem animarumque salutem coelestibus Eccle=
siae thesauris pia charitate intenti, omnibus utriusque sexus X(t)ifidelibus vere poenitentibus et confessis ac S(acra) Communione re=
fectis, qui praefatum Sanctuarium festivitatibus Nativitatis et Ascensionis D(omini) N(ostri) Jesu X(t)i, Paschatis Resurrectionis et Pen=
tecostes: item festivitatibus Imma(culata)e Conceptionis, Nativitatis, Annuntiationis, Visitationis, Purificationis et Assumptionis B(eatae)
Mariae Virg(inis), nec non diebus festis S(ancti) Josephi ejusdem Deiparae Virg(inis) Sponsi, SS(anctorum) Petri et Pauli Apostolorum, in celebritate
Sanctorum Omnium, Dominica prima mensis Octobris, ac festis S(ancti) Joannis Nepomuceni, ac SS(anctorum) Cyrilli et Methodii, vel uno
quo cuique libeat ex septem diebus continuis immediate respective sequentibus quotannis devote visitaverint, ibique pro X(t)iano=
rum Principum concordia, haeresum extirpatione, peccatorum conversione ac S(anctae) Matris Ecclesiae exaltatione pias ad Deum preces
effuderint, quo ex hisce die id egerint, plenariam omnium peccatorum suorum indulgentiam et remissionem misericorditer in D(omi)no im=
pertimur. Fidelibus vero saltem corde contritis qui in omnibus memoratis festivitatibus, nec non singulis diebus mensium Maii et Octobris
supra dictam Ecclesiam et in ea situm Altare B(eatae) M(ariae) V(irginis) devote visitaverint, et ibi, ut supra, oraverint, septem annos totidemque quadra=
genas: quolibet autem ex ceteris anni diebus id praestiterint, centum dies de injunctis eis seu alias quomodolibet debitis poenitentiis in
forma Ecclesiae consueta relaxamus. Quas omnes et singulas indulgentias, peccatorum remissiones ac poenitentiarum relaxationes etiam
animabus X(t)ifidelium in Purgatorio detentis per modum suffragii applicari posse concedimus. P(raesen)tibus ad septennium tantum valituris.
Datum Romae apud S(anctum) Petrum sub annulo Piscatoris die XXIII Januarii MDCCCCII Pontificatus Nostri Anno Vigesimoquarto.
Vidimus. Pragae, die 8. Februarii 1902. Pro D(omi)no Card(inali) Macchi
~N. Marini~
+ Leo Cardinal(is) de Skrbenský,
Archiep(iscopu)s Pragen(sis).