LEO PP. XIII.
Universis Christifidelibus praesentes litteras inspecturis salutem et apostolicam Benedictionem. ad augendam fidelium
religionem animarumque salutem procurandam intenti, omnibus utriusque sexus Christifidelibus vere poeniten=
tibus et confessis ac s. Communione refectis, qui Collegiatam Ecclesiam titulo S. Venceslai in loco existentem cui nomen = Vetus Bolesla=
via = Dioecesis Pragensis diebus festis S. Venceslai mart. et S. Joannis Nepomucen. itemque die Commemorationis omnium fidelium defunctorum, vel
uno ex septem diebus continuis immediate respective sequentibus, cuiusque eorum arbitrio sibi eligendo, ac similiter die Translationis Corporis S. Venceslai mart.
nempe martii mensis quarta, die festo S. Ludmilae aviae S. Venceslai videlicet decima sexta Septembris mensis die, feria quinta in coena Domini ac festivitate
SS. Cosmae et Damiani mm. tandem uno per annum die per unumquemque e fidelibus semel tantum quotannis statuendo a primis vesperis usque ad
occasum solis dierum huiusmodi singulis annis devote visitaverint, et ibi pro Christianorum Principum concordia, haeresum extirpatione, peccatorum
conversione ac S. Matris Ecclesiae exaltatione pias ad Deum preces effuderint, quo ex hisce die id praestiterint, plenariam omnium peccatorum suo=
rum indulgentiam et remissionem misericorditer in Domino concedimus. Insuper iisdem fidelibus corde saltem contritis quo per annum die dicta in
Ecclesia quinquies Orationem Dominicam Salutationemque Angelicam recitaverint, nec non preces uti superius est dictum effuderint, septem annos totidem=
que quadragenas; quo vero die semel ipsam Dominicam Orationem Salutationemque Angelicam una cum memoratis precibus recitaverint centum dies de iniun=
ctis eis, seu alias quomodolibet debitis poenitentiis in forma Ecclesiae consueta relaxamus. Quas omnes et singulas indulgentias, peccatorum remissiones ac poeni=
tentiarum relaxationes etiam animabus Christifidelium in Purgatorio detentis per modum suffragii applicari posse indulgemus. Praesentibus ad Decennium valitu=
ris. Datum Romae apud S. Petrum sub Annulo Piscatoris die xxIII. Januarii MCMII. Pontificatus Nostri Anno Vigesimoquarto.
Pro Domino Card. Macchi.