Zuwissen Als sich zwischen dem durchleuchtigenn hoch
gebornem fursten unnd hern, hern Philipsenn Landgrauen zu hessen
Grauen zu Catznelnbogenn, Dietz, Zigenhainn unnd Nidda, unserm
gnedigenn fursten unnd hern an einem, Unnd Ludwigen von Rodenhausen
seligenn, sampt seinen mit verwandten am andern theil Irrung umb
seiner furstlichen gnaden, unnd dero vonn Rodenhausen hoff, vor dem
Kirchhayenn gelegenn, unnd derselbigen zugehorigenn Ackern, wiesenn
hude, unnd zugehorungen, zugetragen unnd erhaben, Derwegen
das die vonn Rodenhausen vorgewendt das daselbst zu Rodenhausen
nur ein hoff wehr, wilcher hoff Inen, zu dreyenn vierdentheilen, unnd unserm
gnedigen fursten unnd hern, nur zu einem vierdentheil zustunde, unnd
darauff begert das unser gnediger furst und her, seiner furstlichen
gnaden, mit Irem theil Ius ficiertenn, unnd dan vonn dem allem nur ein
Uierdentheil nehme, unnd sie die andern drey vierdentheil nehmen liessenn
wolte, Dargegenn aber vonn wegen unsers gnedigen furstenn
unnd hern, versprach, das seiner furstlichen gnaden hoff zu Rodenhausen
ein besonderer, eigner hoff mit seinen Ackern, wiesen, und anderer
zugehorer, vonn dem Rodenhauser hoff abgesondert unnd alß vor vielen
Jaren, vonn den furstenn zu hessen vonn einem Johann von Laimbach
genant erkaufft, unnd von der zeit ann, biß dahero alß herpracht, dar
zu bey nahe nun Ackern unnd wiesen, dem Rodenhauser hoff gleich,
wie dann solchs alles, auß eylings altern außgesagt, und bekundiget
darzu mit briefflichen urkunden zubescheinenn, mit andern mehr be
standigenn ursachen unnd grunden, Derwegen wer sein furstliche gnad
nicht pflichtig solchs erkauffte, unnd so lange Jar wolherprachte, unnd
erseßene gerechtigkeittenn, unnd guter Ires hoffs zu Rodenhausen
zuverlassen, unnd mit denen von Rodenhausen, In die begerte theilung
zuschreitenn,

Nun demnach uff den fahl, da die vonn Rodenhausen, von Iren forderung
nit abzugehen gemeint, Inen drey unparteische kommissarien erment,
das die vonn Rodenhausen, vor denselbigenn Ire gerechtigkeitt, unnd recht