Antonius Ernestus
E Comitibus Schaaffgotsche dictis, Liber Baro In Kynast et Grei
fenstein, Miseratione Divina et Sedis Apostolicæ Gratia
EPISCOPUS BRUNENSIS,
Fidelis Capituli Metropolitani Olomucensis Canonicus,
SS. Theologiæ Doctor etc. etc.
Universis et Singulis has inspecturis Salutem et Benedictionem a Domino.
Auctoritate qua fungimur ordinaria præsentium tenore Illustrissimo Domino
Friderico Libero Baroni de Dalberg plenam ac liberam facultatem in Domino con
cedimus, ac indulgemus, ut in Capella arcis Rotschicensis ab usibus profanis segregata ad hoc
decenter ornata et omnibus ad sacrificandum necessariis apparamentis provisa super altari portatili
a quocumque in Diœcesi Nostra Brunensi approbato Sacerdote sive sæculari sive de Superiorum
licentia regulari, dummodo Rectori parochialis ecclesiæ nihil inde præjudicii emergat, tam diebus
ferialibus quam dominicis et festivis (exceptis tamen Nativitatis et Resurrectionis Domini, Pen
tecostes, Corporis Christi, Annuntiationis B. V. Mariæ, SS. Petri et Pauli et Dedicationis ecclesiæ
festivitatibus) unum quotidie Missæ sacrificium legi facere, licitumque cum Illustrissima familia,
nobilibus hospitibus, et suo hospitumque maxime necessario famulitio audire possit ac valeat, reli
qui autem Domestici diebus dominicis et festis ecclesiam parochialem frequentare tenebuntur.
Quæ facultas ad beneplacitum Nostrum duratura ea lege conceditur, ut præsens Indultum
pro directione Celebrantium in dicta Capella publice exponatur.
Datum in Residentia Nostra Episcopali Brunæ die 31 Augusti 1847.
Antonius Ernestus
Eppus.
Ad mandatum Reverendissimi ac Illus
trissimi Domini Domini Episcopi proprium
And. Hammermüller
Cerem. et Secret.