Wir Pilgreim von gots gnaden Erczbischo(f) ze Salczb(urg) legat des stüls ze Rom veriehen offenlaich mit disem brief. das vns leutpolt d(er) streitwig
mit seinem offen brief aufgesant hat die nachgesriben Güt die von vns vnd vnserm Gotshaus lehen sint vnd pat vns das wir dieselbn
Güt also vlihen vnserm getrwn leon dem Gaeler vnd seinen Erben die sew von im gechauft hieten das haben wir getan als verr wir ze
recht solten vnd mochten. Vnd sint die Güt also genant. des ersten der zehent ze streitwig. Ain Güt vlreich ellent. Ain Güt peter der
tacher. Ain Güt in dem Chot. Ain Güt Magerl. Ain Güt da wellehel auf siczet. ain Güt die Vaperinn Ain Güt am Grzobel. Ain Güt
der Vogler. Ain Güt in dumerstrauch. Ain Güt am Raide. Ain Güt der püchslegel. Ain Güt der löffel. Ain Güt der wolfel. Ain Güt der
fügler. Ain Güt da Vlbel auf siczet. Ain Güt am drechselek. Ain Güt da Chreistan auf siczt. Ain Güt da perchtold auf siczt. Ain Güt da
Chünrat auf siczt. Ain Güt der popp. Ain Güt Chünrat Grzobler. Ain Güt Chüncz wienner. Ain Güt der zagler. Ain Güt fridmässer.
Ain Güt da Hainreich auf siczt Ain Güt am Herler. Ain Güt am Gerewt. Ain Güt der Chaefer vnd sein gemäner. Ain Güt an der
Gaczen. Ain Güt der Chaerner. Ain Güt der windesch. Ain Güt an dem steg. Ain Güt der wagner. Ain Güt Nicla der Mülner. Ain
Güt der drechsel. Ain Güt Teysottel vnd Ain Güt der dreihaupt vnd sint die allev gelegen in der vinstern pelb. vnd dar vb(er)
ze vrchünd geben wir den offen brief versigelten mit vnserm anhangundem Insigel der geben ist ze fristacz an sant lauren
czen abent Nach Christes gepürd dreuczehenhundert iar darnach in dem vier vndsibenczigistem iare