Züvermerckenn das aüff heüdt dato Vnndenn Beschribenn Jar zal
Ein aüfrichtiger, Vnwiderruflicher, stetter, Bestendiger, Erb
Vnnd Aigenthümblicher kauff, Zwyschenn dem Erbarn Vnnd für
Nembenn Hannsenn Strömser von ~Alten~ haüsen Zü
Tornaw als Verkaüffer an aijnem, Vnnd dann der Edlenn
Vnnd Erentügenthafftenn, frawenn Catharina Pepplin, Ein gebor
ne Hertenbergerin Wytwe als kaüfferin anndern thails beschlossen,
Nemlich also Vnnd der gestalt, das ermelter Hanns Strömser
Egenannter fraw Pepplin, das frey Ryttergüt Vnnd
ansitz Zü ~Hertzbergk~, wie es In seynem Zirckel Vmbffangenn
mit aller der selbigenn, Ein Vnnd Zügehörung, an feldern, Wis
mattenn, Teichenn, Pöchenn, Wasserflüssenn, prünnen, hölzern
Vnnd holzwach, Raignenn, Staigenn, triefften, Wün Vnnd
Wayd, Jagen Vnnd Wigwerck, aüch aller Vtzigenn Vnnd
künfftigenn nützung Vnnd einkomen, es sey Vnnder der
Erden, Zübesüchenn, so villen er von seyner lieben fraw
~Mütter~, erbaüth, bis dahero Braüchlichenn gewesenn, genützt
gepraücht, Vnnd Nach selbsten gewesenn, oder erfinden hett
künnenn, nichts aüsgeschlossenn noch hindan gesetzt, wie das alles
Namenn habenn kann oder mag, Verkaüfft Vnnd gelassenn hat
Vmb neün hündert Vnnd fünff Vnnd Sibentzig schok, Vnnd
der Verkaüffers haüs frawenn, acht schok Züm Bandt gelt
alles meyschnis oder teüles, Bömischer, Werung an müntz.
Weyther giebt Vnnd lest ermelter Verkaüffer pey dem gütt
die gantze wynter saat nach Viertzig st korn Vnnd ein straich
Büch Zü der Somer saat dreyßig st habern, acht st gerstenn
annderthalb st Erbes Jtem sechs melckhe khüe Vnnd Zway Züg
perige, Vnnd vier ein Järige kälber, Jtem mehr dreyßig
schok ein Järig prüt Zür einsatz, ainen fahrwagenn, ainen
pflüg, sambt der Aygern, des gestes die helffte, vier hüen