Wir Wenczlaw von gotes gnaden Romisch künig czu allen czeiten mer(er) des reichs vnd künig czu Beheim Bekenne(n) vnd tun kund offenlich mit disem
briefe allen die in sehen ader horen lesen Wann der hochgeborn Albrecht herczog czu Osterreich czu Steyern vnd czu Karnd(en) als vnser lieber swager vnd
fürste für sich alle seine fründe helfer vnd dien(er) an eime teyle vnd die edeln Peter Vlrich vnd Johanse von Rosenb(er)g vnd heinrich von Newn
hause vnse(re) liebn getriwe für sich alle ire fründe helfer vnd diener an dem and(er)n teyl aller krieg czweitracht vnd misshel vmb name brant angrijffe
vnd anderley and(er) sachen wie vor(ge)n(ant) vnd als sich die czwissen jn bis her vnd vp diesen hewtign tage herhebt vorlaufen vnd ergangen habn vf
vns vnd vf vns(er) entscheyd beiderseit lediglich genczlich vnd mechticlich gegeangn sein als das ir brieff die wir dorüber habn wol auss weysen
darumb mit wolbedachtem mute gute(m) rate vnser fürsten edeln vnd getriwe(n) mit recht wissen vnd von künig(licher) mechte die wir von ir beider wegen als
sie an vns gegangn sein darüb habn So entscheydn vnd sprechn wir von ersten das die egen(anten) teil beide vmb alle egen(anten) sachn wie sich die gwiss(en) jn ire
fründn helfern vnd dienern bis vf den hewtign tag erlaufn vnd ergangn habn hinbas ewiclich gut vnd gancz fründ eyand(er) sein solln vnd darüb eyand(er) hin bas nymmer
deheyn anspruch habn sullen vnd mugen an alles geuerd(e) Ouch entscheyd(en) vnd sprechn wir das vns(er) egen(anter) swager herczog Albrecht von Osterreich
das slosse vnd stat Euerdman mit alln seine(n) czugehorungn den egen(anten) von Rosenb(er)g in ire gewalt yn(n)halb virzehn tagn anczuhebn an dem
nehsten Sontag vnder ynuocauit vnd jn antwurten sulle Also das jn die leute vnder huldn vnd sweren vnd sie dieselbn stat vnd ir czuge
horung hinbas geniessen vnd die yn(n)habn sulln vnd mugn als sie die vormals yngehabt vnd der genossn habn vnd vf das sulln die von
Rosenb(er)g ir fründe helfer vnd diener alle geuangn ledig vnd lose lassen vnd dieselbn geuangn sulln ein vrfede vnd fruntschaft sweren als
in dem lande czu Beheim gewonlich ist vnd sulln auch dieselbn geuangn sweren vnd gelobn in der masse als sie vor getan haben Wer die
man den von Rosenb(er)g Euerdman nicht ynantwurtet in der czeit vnd als obn geschribn stet das sich den(n) dieselbn geuangn alle vnderstelln
sulln in alle der masse als die yczunt geuangn sein Wer aber das den von Rosenb(er)g das slosse Euerdman geantwurt würde in der czeit
vnd als vor geschribn stet so sullen die geuangn gar vnd genczlich ledig vnd lose sein vnd dr(a)n sich nicht vnderstelln Ouch sullen
die egen(anten) vns(er) swager herczog Albrecht von Osterreich alle seine fründe helfer vnd diener alle geuangn die sie ouch geuangn habn genczlich
ledig vnd lose lassen an geuerd(e) die selbn geuangn ouch ein vrfed vnd fruntschaft sweren sullen als in dem lande czu Osterreich gewonlich
ist So sullen ouch dieselbn von Rosenb(er)g dem egen(anten) vns(er)m swager herczog Albrechtn von Osterreich vorbriefen vnd ire briefe geben das
alle dieweyll der krieg gwissen den egen(anten) vns(er)m swager herczog Albrechten vnd dem von Schawmburg weret demselbn von
Schawmburg auss dem egen(anten) slosse Euerdman keynerley hilff weder mit cost noch sust wie dye genant sey geschehe an geuerd(e)
So sol ouch der egen(anter) vns(er) swager herczog Albrecht dieselbn von Rosenb(er)g an dem egen(anten) slosse Euerdman vnd alln seine(n) czugeho
rungn alle dieweyll vnd der krieg weret gwissen im vnd dem von Schawmburg nicht hindern ader irren in deheneweys sunder sie
dobey hanthabn schuczen vnd schirme(n) getriwlich vnd an alles geuerd(e) vnd in des dorüber sein brief geben das er sie schuczen vnd
schirme(n) suller vnd doran nicht hindern an geuerd(e) Mit vrkund dicz briefes vorsigelt mit vns(er) künig(lichen) maiestat jnsigel Gebn
czu(m) Bndweys noch Cristes geburt dreuczehn hundert jar vnd dornach in dem czweyvndachtczigsten jaren an sand Thymotey
tage des heiligen Czwelfboten vns(er)s reiche des Behemischn in dem Newenczehndn vnd des Romischn in dem Sechsten Jaren