WIR Leopold von Gottes gnaden Erwehlter Römischer Kayser
zu allen Zeiten Mehrer des Reichs in Germanien zu Hungarn Böheimb Dalmatien Croatien vnd Sclauonien König,
Ertzhertzog zue Osterreich Marggraff zue Mähren, Hertzog zue Lützemburg, vnd in Schlesien, Vnnd Marggraff zue Laußnitz: Bekennen offentlich mit disem brieff, vnnd thun kundt Allermän
niglich, wie daß vnß der Würdige, Vnser lieber Andächtiger, Fr: Milo Strobl, des heyligen Præmonstratenser Ordens in Vnserm Königlichen Stifft Vnnd Gotteshauße zu Seelau in Vnserm Erb
Königreich Böheimb Professus demüthigst zuuernehmen gegeben, Waßmassen Er bey der in beÿsein Vnserer hierzue deputirt gewester Königlicher Commissarien den dreyzehenden deß negstuer
wichenen Monaths Januarij daselbst Vorgegangenen Wahl, zu einem Neuen Abbten selbigen Stiffts canonicè erwehlt worden seye: Weilen Er nun Vermöge Vnserer Königlichen No
vellen, ehe Vnnd beuor Er ad publicos Conventus Vnd zu andern Landtß Gerechtigkeiten zugelassen würde, beÿ Vns alß Regierenden König in Böheimb sich gehorsambst anmelden, Vnd quo
ad temporalia Vnsere gnädigste Confirmation zusuchen, wie nicht weniger die gebührliche Erbhuldigungs pflicht abzulegen hette: Alß hat Vns Er demüttigst gebetten, Wir solche electio
nem Canonicam zu confirmiren, Ihne der Conventuum publicorum, wie auch andrer Landtßgerechtigkeiten fähig zumachen, Vnd damit Er die Erbhuldigungs pflicht beÿ Vnserer König
lichen Statthalterey zu Prag gehorsambst ablegen möchte, zübefelchen, in gnaden geruehen wolten. Wann Wir dann gnädigst angesehen seine demüthigste zimbliche bitte, Vnnd
darein gnädigst gewilliget, Alß haben Wir obige seine zum Abbten zu Seelau fürgegangene Wahl hiemit in Kayser: Vnnd Königlichen gnaden ratificirt, Vnnd bestättiget:
Ratificiren Vnnd bestättigen dieselbe auch auß habender Macht Vnd Vollkommenheit, alß Regierender König in Böheimb, hiemit wissentlich in krafft diß Brieffs: Vnd gebieten hierauff
Allen Vnnd jeden Vnsern Vnderthanen, waß Würden, Standts, Ambts, oder wesens die in obberührtem Vnserm ErbKönigreich Böheimb sein, insonderheit aber dem Ordinario loci, wie
auch sonsten iedermänniglich, daß sie gedachten Fratrem Milonem Strobl Abbten zu Seelau sambt dieses Stiffts gantzen Convent, beÿ solcher beschehener Wahl, Vnnd diser Vnserer
hierauff erfolgter gnädigster Bestättigung geruhiglich Verbleiben lassen, darwieder nicht thuen, noch auch die zu besagtem Stifft gehörige Vnderthanen, Ihme Abbte, Vnd dem Convent allen schul
digen gehorsamb zulaisten Verhindern, oder sonsten in etwas beirren, weder das andern zuthun Verstatten, sondern sich gegens Ihme gleichwie gegens seine Vorfahren, alß Abbten zue
Seelau Verhalten, Vnd sonsten denselben zu allen Ihme Von Rechts: oder gewohnheit wegen beÿ denen Landtagen, gemeinen zusamenkunfften, Königlicher landtafel, Vnd andern gebührnuß
ßen, Session, Würden, Vnd Gerechtigkeiten Vnweigerlich admittiren, Vnd zulassen, darzue erkhännen, ehren, Vnd halten sollen, beÿ Vermeidung Vnserer schweren straff Vnd Vngnad. deß
meinen Wir ernstlich. Zu Vrkundt diß brieffs besiegelt mit Vnserm Kayser: Vnd Königlichen anhangenden Grössern Insiegel. Der geben ist zu Neüstatt den Neunzehenden Monathstag
Februarii, Im Sechzehenhundert Acht Vnd Sibentzigisten, Vnsrer Reiche, deß Römischen im Zwaintzigsten, deß Hungarischen im Neunzehenden, Vnd deß Böheimischen im Zwey Vnd Zwaintzigsten Jahre.
Ad mandatum Sac: Cæs:
Regiæq(ue) M(ajes)t(a)tis proprium:
J. Von Eam ~m(anu) p(ropria)~