Nos F: Albertus Hausner Abbas. F: Leonar:
dus Haas Prior, F: Candidus Planer Senior et totus Convent(us) Monasterij
B. V. Mariæ de Waldsassen Sac: et exempti ord: Cist: testamur, inter
antiquas hui(us) Mon(aste)rij nostri non ita pridem ex Bibliotheca Academica Ingol:
stadiana recuperatas memorias hanc de verbo ad verbum inveniri.
Anno Domini 1098 sub Vrbano secundo Pont: Max: et Henrico Imp: tertio
S. Robertus primari(us) Fundator S. Albericum et Stephanum aliosq(ue) duos
cum 22. socijs Cistercium secut(us) est. S. Bernardus intravit 22. annorum
Anno D(omi)ni 1115 sub Paschali Pap: 2 et Henrico Imp: 4. Clarævalli 33. annis
præfuit mortu(us) 1153. octingentos ibidem Monachos relinquens, cui(us) vitæ
tempore etiam Waldsassum fundatum, et inchoatum in festo S. Remigij post
fundationem Cistercij 35. sub Innocent: 2. et Lothario Imp: inter fundata centesimum,
cui(us) Mater Wolkenrod, cuius prima Filia Brumbach 5. milliarib(us) Herbipoli
distans. Secunda Sedlicium, cui in structuris ædificiorum nullum in ordine
secundum, erat fundatum Anno Domini millesimo, centesimo, quadragesimo
secundo sub Gerlaco Abbate Waldsassensi tempore Eugenij 3. et Con:
radi Rom: Reg(is): 3. In cui(us) mai(us) robur Sigilla nostra apposuim(us)
duodecimo Febr: Anno 1699.