Clemens episcopus seruus seruorum dei Ad perpetuam rei memoriam
Pastoralis officii debitum quo ad uniuersas orbis ecclesias et monasteria nos compellit ut circa statum eorum et animarum pericula salubriter dirigendum solerti intendamus et hiis presertim que ad ipsorum et subleuationis eorum augmentum cedere dinoscuntur adiciamus robur apostolice firmitatis. Sane dilectorum filiorum .. Abbatis et Conuentus monasterii Sedlicen(sis) Cistercien(sis) ordinis Pragen(sis) dioc(esis) necnon Carissimi in Christo filii nostri Iohannis Regis Boemie Illustris et dilecti filii Nobilis uiri Karoli marchionis morauie ac dilecte in Christo filie nobilis mulieris Blanche eiusdem marchionis consortis petitio nobis exhibita continebat quod dictum monasterium quod abolim per antecessores eorum Principes et nonnullos Barones Regni Boemie fundatum extitit et dotatum consueuit propter ipsarum rerum multitudinem in spiritualibus reflorescere ac in temporalibus habundare et in eo aui illud sit in communi transitu et loco publico illarum partium iuxta morem et consuetudinem prefati ordinis maxima et continua hospitalitas infirmorum et pauperum et multorum superuenientium obseruari quodque cum olim infra limites parrochie ecclesie in malin dicte dioc(esis) ad eosdem Abbatem et Conuentum exis(tentis) in loco qui nunc Chutna dicitur Argenti fodine inuente et propter multitudinem personarum illuc de diuersis partibus confluentium certe Capelle lignee constructe fuissent dilecti filii hynco prepositus Woyslaus decanus et Thomas archidiaconus ecclesie pragen(sis) tunc administratores eiusdem ecclesie in spiritualibus et temporalibus per sedem apostolicam deputati bone memorie Iohanne Episcopo Pragen(si) ab eisdem spiritualium et temporalium administratione per sedem predictam suspenso ad instantiam dilecti filii Vlrici Plebani eiusdem ecclesie zelo pie deuotionis moti pro eiusdem monasterii hospitalitatis augmento fructus redditus et prouentus dictarum Capellarum cum ipsa ecclesia in malin alias sufficienter habundaret in redditibus et habundet hospitali infirmorum et pauperum superuenientium infra septa monasterii siti cum statuto una cum Capitulo eiusdem pragen(sis) ecclesie de ipsius Plebani assensu in perpetuum applicarunt ac uoluerunt quod huiusmodi redditus et prouentus ac obuentiones Capellarum ipsarum ad prefatum hospitale necnon ad Abbatis dicti monasterii qui foret pro tempore dispositionem perpetuo pertinerent prout in patentibus litteris inde confectis dictorum administratorum sigillis munitis quarum tenorem de uerbo ad uerbum presentibus inseri fecimus plenius et seriosius continetur. Quare prefati Abbas et Conuentus Rex marchio et Consors nobis humiliter supplicarunt ut cum prefatum monasterium propter sterilitatem temporum onera debitorum usurarum uoraginem et guerrarum turbines in illis partibus superuenientes dicte tamque hospitalitatis obseruantiam in eo ad tantam inopiam et exinanitionem deuenerit quod propter defectum necessariorum et personarum ipsius in monachis et ministris aliis cultus diuino est plurimum diminutus et in temporalibus fere collapsum applicationem huiusmodi et alia supradicta per ipsos administratores in hac parte facta confirmare de benignitate apostolica dignaremur Nos itaque huiusmodi supplicationibus inclinati applicationem predictam de fructibus redditibus et obuentionibus Capellarum ipsarum et alia que per ipsos administratores una cum dicto de consensu Capituli predicti sunt prouide ac pie facta ac ea rata et grata habentes illa auctoritate apostolica ex certa scientia confirmamus et presentis scripti patrocinio communimus. Tenor autem dictarum litterarum talis est. Diuina miseratione Hynko prepositus Woyslaus decanus Thomas archidiaconus totumque Capitulum Pragen(sis) ecclesie Venerabili in Christo patre et domino domino Iohanne Pragen(si) Episcopo per apostolicam sedem a spiritualium et temporalium administratione suspenso iurisdictione eiusdem in spiritualibus ministrorum in Pragen(si) Ciuitate et dioc(esi) obtinentes omnibus in perpetuum. Ex caritatis et honestatis radice prodire in precamur ea nos decet ratione admittere qua caritate feruentes et honestate nos conuenit inueniri decoros. Sane quia honorabilis uir magister Vlricus predicte pragen(sis) ecclesie scolarum siue ex dispensatione sedis apostolice Rector parrochialis ecclesie in malin Pragen(sis) dioc(esis) ex magne sinceritatis affectu huius proposuit coram nobis quod cum iam dudum uiuente adhuc Iohanne quondam predecessore suo Plebano ibidem in malin in loco qui nunc Chutna uocatur uulgariter infra parrochie ipsius limites Argentifodine fuissent exorte propter hominum de diuersis partibus ad locum ipsum confluentium numerositatem oportuit aliquas ibidem pro minus sanis hominibus ipsis sacra mentis ecclesie hac et diuinis peragendis officiis ligneas edificari Capellas ex quarum prouentibus nec in ipsis Argentifodinis loco ubi propter Argentifodinarum ipsarum dilationem multitudinem hominum habitatio est incerta nomis et certus institutus nec in loco parrochie propter uanitatem monasterii sedlicen(sis) quod iuxta est statutus siue monasterii ipsius preiudicio diuinis cultus potuit augeri antiquis ex quo fit et factum est pro dolor quod prouentus dictarum Capellarum ipsis ualens non in necessarios et deo gratos sed in contrarios sibi forsitan usus expenditur et hactenus est expensus Ipseque idem magister Vlricus in sua conscientia quod ad preterita graue ferens super et successorum suorum conscientiis prouidere cupiens in futurum supplicauit nobis humiliter et deuote quatinus de suo quem ad hec statuit promptum et paratum exhibuit beneplacito et consensu Capellarum ipsarum fructus et obuentiones quelibet prouenientes ex eis nunc et eciam in futurum applicarentur perpetuo hospitali infirmorum et pauperum infra septa predicti Sedlicen(sis) monasterii constituto Taliter quod per Abbatem ipsius Sedlicen(sis) monasterii qui eciam predicte parrochialis ecclesie in malin patronus existit uel per eum quem ipse ad hoc deputauerit Capellarum ipsarum obuentiones et fructus in pauperum et infirmorum seu alios pios usus salubriter conuertantur ipsi parrochiali ecclesie in malin et Rectori eiusdem antiquis et aliunde quia ex Capellis predictis hiis prouenientibus fructibus et redditibus in omnibus semper saluis. hec nichilominus moderamine necessarie prouisionis adhibito quod quia ut premissum est in predictis Capellis Argentifodinarum predictarum habitatoribus diuina necesse est celebrari officia et ministrari ecclesiastica sacramenta ipse magister Vlricus nunc plebanus et qui post eum fuerit hec per se uel uicarios qui de uoluntate et consensu domini Abbatis pro tempore et rationem debent in Capellis ipsis exerceat ne fraudis uel dolositatis aliquid in obuentionibus predictis hospitali iam debitis committatur de qua eis locus testationis aliquis non debet ex quo altario seruiunt debent uiuere de altari teneatur dominus Abbas ipsi Plebano et aliis qui exercebunt predicta de Capellarum ipsarum prouentibus in expensis necessariis et aliis que ad easdem Capellas ministrorum pertinet prouidere. Cumque predicta pre dicti magistri Vlrici tam rationabilis et salubris prodire huius petitio necessitatem quandam et debitam exauditionis includat ei contraire in dei iniuriam et iuris lesionem consuente non audentes ipsam consentiente et annuente honorabili uiro domino fratre friderico Abbate predicti Sedlicen(sis) monasterii patroni ut dictum est ecclesie in malin fauorabiliter et gratiose admittimus fructusque et obuentiones Capellarum predictarum iuxta predicti magistri Vlrici petitionis et prouisionis formam hospitali predicto iure auctoritatis iuribus applicamus taliter quod extunc et statim ipsarum Capellarum obuentiones et fructus ad hospitale predictum et domini Abbatis dispositionem pertineat pleno iure. Quod fieri potuisse et posse sine redargutionis nota confidimus cum ipsius magistri Vlrici nunc plebani ibidem non solum consensus imo affectuosa accedat petitio et Pragen(sis) ecclesie quo ad subiectionem in Capellis ipsis sibi debitam et monasterio Sedlicen(si) quo ad ius patronatus ecclesie in malin quod habet ecclesie quoque ipsi in malin quo ad antiquos fructus nullum penitus preiudicium generetur. In cuius rei testimonium presentes litteras fieri et Pragen(sis) Capituli necnon domini Abbatis Sedlicen(sis) et magistri Vlrici predictorum sigillorum fecimus munimine roborari. Dat(um) Prage Anno domini millesimo Trecentesimo Vicesimo quarto octauo kal(endas) Aprilis. Nulli ergo omnino hominum liceat hanc paginam nostre confirmationis infringere uel ei ausu temerario contraire. Siquis autem hoc attemptare presumpserit indignationem omnipotentis dei et beatorum Petri et Pauli apostolorum eius se nouerit incursurum. Dat(um) Auinion(e) vii kal(endas) Iunii Pontificatus nostri Anno Secundo.