In nomine domini amen. Nos Wok de Crawna dominus in Strazniz. Notum facimus
uniuersis tam presentibus quam futuris presens scriptum intuentibus. Quod pro moderno et honesto
Bohuzlawo relicto Rudlini quondam iudicis in villa nostra Jeron et ipsius
heredibus et successoribus. ius et consuetudinem iudicii. sicut Heynricus dictus litay et donus
maritus relictus in antiquitate in Jerno. et insuper curiam propriam et tabernam. Item eciam
quatuor marcas et dimidiam pro iudicio sunt ei insuper. in iure ciuitatis nostre in
Fulnek comparatum. Item eciam siluam que iacet insuper Jerno. in qua
quidem silua omnes fructus decidentes collendet. Hec prescripta iura et hereditatem
heredibus et successoribus. dimittimus et donamus perpetue ad tenendum et singula in pace libere
possidendum. pro duobus talentis que Rudlinus predictus pro eodem iure iudicii in villa nostra
Jeronie libere possidebat. et insuper in hiis iuribus prescriptis que in presenti continentur
Bohuzlawus et heredes sui et successores. nullius preiudicium et grauamen pacientur.
quod si fieret dampnum valuatam et pecuniam reconcedam. In cuius rei testimonium
nostrum sigillum presentibus est appensum. Datum in Strazniz per manus Johannis
plebani nostri in Jerno. Anno domini Millesimo Trecentesimo vigesimo Nono. dominica qua
cantatur Jubilate. coram hiis testibus. domino Wokone de Crawna patre nostro. domino
Barthone de Wsetin. et fratre suo Jrsone. et aliis pluribus fidedignis.