Nos .. Commendator et .. fratres ordinis beate Marie Theutonicorum domus Treuerensis ex parte vna . et .. priorissa et conuentus vallis beate Marie ordinis predicatorum prope Confluenciam Treuerensis
dyocesis ex altera . Notum facimus vniuersis presentibus et futuris has litteras inspecturis . quod exigentibus multis vtilitatibus diutius pensatis habitis inter nos deliberacione diligenti hinc et inde prehabita
quod tractatibus precedentibus et habitis super eo / quod nos .. priorissa . et .. conuentus predicte in villa de Temmeltze et parrochia eiusdem Treuerensis dyocesis nichil penitus dudum habuimus in
juribus jurisdiccionibus hominibus siue terris nisi solum ius patronatus ipsius ecclesie de Temmeltze quod dudum in solidum et ab antiquo vsque adhuc competit ad vnum monasterium pertinuit sumusque
pacifice et quiete a tanto tempore quod non est qui de contrario recordetur in huiusmodi racione presentatus seu quasi possessione seu quasi in possessione juri presentandi pastorem ad ecclesiam de Tem
meltze supradictam cum vacabat / Considerantes quod Religiosi viri .. Commendator et fratres predicte domus Treuerensis . hactenus habuerunt quandam decimam prope Weyla eosdem fines
parochianos de Temmeltze que decima appellata est ab antiquo et adhuc appellatur decima nobilium que nobis et domui nostre vtilior esse potest quam ius patronatus ecclesie prelibate .
Et propter hoc de consensu et auctoritate Reuerendi in christo patris et domini nostri domini Baldewini sancte Treuerensis ecclesie archiepiscopi in cuius dyocesi dicte decima et ecclesia in Temmeltze consistunt consi
derantes vtilitates euidentes tam ipsi domui quam .. Religiosis predictis Jus patronatus ecclesie de Temmeltze predicte permutauimus . et permute permutamus cum decima antedicta
et cum .. Religiosis antedictis . Jta videlicet quod extunc de cetero in futurum dicti .. Religiosi .. Commendator et .. fratres domus predicte veri patroni et collatores pastorie de Temmeltze soli et in soli
dum quociens et quociens eam vacare contigerit . nullo alio inpediente sine omni contradiccione qualibet vel offensa Et nos et domus nostra decetero in futurum habebimus et possidebimus paci
fice et quiete decimam antedictam sine contradiccione .. Religiosorum predictorum . Nos eciam .. Commendator et fratres domus predicte dictam nostram decimam permutauimus . et presentibus permuta
mus iuxta modum preenarratum cum Jure patronatus ecclesie de Temmeltze antedicte et cum dominabus .. Religiosis antedictis Et promittimus eisdem omnia et singula que superius sunt expressa
tenere . et inuiolabiliter obseruare . et non controuenire arte qualibet in futurum per nos vel nostros .. successores quoquomodo et nos .. priorissa et .. Conuentus predicte eciam promittimus seruare et tenere
Commendatori et .. fratribus antedictis . Et eciam nos .. priorissa et .. Conuentus ac .. Commendator et .. fratres predicti hinc et inde de euiccione vnius loci promittimus et de premissis inter nos
permutatis nullam litem inferre per nos seu nostros .. successores seu controuersiam facere nec inferenti consentire . Sed vnusquisque nostrum rem ad se permutatam alteri ab omni homine seu vni
uersitate licite defendere auctorizare et disbrigare coram .. Judicibus quibuscumque secularibus et spiritualibus et alias quoquomodo et predictam permutacionem omniaque et singula superius scrip
ta perpetuo firma et rata tenere et habere et non contrafacere vel venire . aliqua racione vel causa de Jure vel de facto et si aliquis nostrum contrafaceret seu contrafacere presumeret promittimus
adinuicem vnus alteri quod omnia et singula dampna et expensas in iudicio litis et extra restituemus et restituemus parti inpedimenti in premissis sustinenti . Renunciantes hinc et inde
omnibus et singulis excepcionibus Juris facti et consuetudinis quibus contra premissa vel aliquod premissorum venire possemus aliqualiter in futurum excepcioni rei aliter geste quam scripte seu quod in
eo possemus nos fore deceptos in contractu huiusmodi . Et specialiter hinc et inde renunciamus omnibus priuilegiis ordinibus nostris concessis tam a summis pontificibus quam a diuinis Jmpera
toribus seu ab aliis quibuscumque sub quacumque verborum tenore impetratis vel impetrandis quibus omnibus et singulis renunciamus ex certa sciencia Renunciantes eciam Juri dicenti generalem
renunciacionem non valere in casibus non expressis ac omnibus aliis excepcionibus quibus contra premissa vel eorum aliquid venire possemus aliqualiter in futurum seu eciam quod dicit possemus superius
modum consensum seu auctoritatem minime interuenisse qui interuenire debuissent . preterea volumus . et nos presentibus ad hoc obligamus . hinc et inde quod siquis nostrum contra premissa seu eorum aliquod
veniret siue faceret in futurum quod dominus .. archiepiscopus Treuerensis seu eius .. officialis qui pro tempore fuerit controueniente compellat per excommunicacionis sentenciam ad obseruacionem omnium et singulorum premissorum sine
priuilegiis super renunciatis non obstantibus quibus eciam quo ad hoc specialiter renunciamus in hiis scriptis Nobisque et nostris cuiuslibet proprium statuit sub pena predicta vt premissa omnia et singula
vt premittitur superius expressa Jmuiolabiliter obseruemus In quorum omnium testimonium sigilla nostrum .. Commendatoris et fratrum ac .. priorisse et .. Conuentus predictorum presentibus sunt appensa
Rogauimusque et rogamus Reuerendum in christo patrem ac dominum nostrum dominum Baldewinum archiepiscopum predictum vt in signum sui consensus et auctoritatis sigillum suum presentibus apponat vna
cum sigillo ciuitatis Treuerensis . hiis appensis . Nos vero Baldewinus dei gracia sancte Treuerensis ecclesie archiepiscopus predictus . sigillum nostrum vna cum sigillo ciuitatis nostre Treuerensis . in signum nostri
consensus et auctoritatis premissis per nos adhibiti ac in robur et testimonium omnium premissorum presentibus duximus apponendum . Datum et actum Anno domini Millesimo Trecentesimo
Tricesimoseptimo die xiij . Mensis Marcij .