Es ist zu wissen plog zweyunge als di erben geistlichn h(er)n d(er) landcom(en)d(er) der balie zu lothringe und dy h(er)n des duetsche
husz zu tryre gehabe hant mit johan h(er)re zu wultz der elter dy umb gekoren hant zu v(er)cluede mit
name h(er)n hulsten h(er)re zu elt und t(ru)chsess in de(m) h(er)tztum zu luczelb(ur)g zu d(er) zit un(d) h(er)n symon von
gym(en)ch h(er)re zu dudlinge und h(er)n willam von erlei und johan sin brod(er) proist zu d(er) zit zu luczelb(ur)g
daz wir dy gutlichn und fruntlichn gescheiden han umb alle sache hie h(er) nach geschriuen stent soliche
brant raup und name und schaden der den vorg(enanten) geistlichn h(er)n gescheen ist in de(m) dorff zu trym(en)he
den in joh(an) von wultz vorg(enant) gedan hait dar uff han dy vorg(enanten) geistlichn h(er)n zeugen und p(ro)bent
herzigey als wir v(er)cluede vorg(enant) gesproch(e)n han und sprech(e)n also daz johan von wultz vorg(enant) keynleige
vorderunge noch anspruche me sol habn uff dy achtzellige gulde dy er spricht zu habn uff de(m) dorff
zu temitz und tzeiget dar uff von sich und alle sine erbn und nakome und sol auch den vorg(enanten) geistlichn
h(er)n wider kere kurtz d(er) vorg(enanten) h(er)n name von hunden ist an wisse dy er in genom(en) hait in de(m) dorff zu
trym(en)he vorg(enant) und sol in dy arme lude dy er in de(m) vorg(enanten) dorff gefange(n) hait ledich und losz wyd(er)
umb heym schicken an alle hind(er)nisz me han wir v(er)cluede vorg(enant) beret daz dy vorg(enanten) geistlichn h(er)n
sollen liebn an dy edel frauwe von falkinstein frauwe zu berlingen soliche bryff als johan vorg(enant)
sich wermist zu habn uff de(m) dorff zu temitz vorg(enant) daz sij yme genuch dau(on) don un(d) umb dy
vorg(enanten) duetschn h(er)n von des vorg(enanten) johans anspruchn zu tusthen hie und sent joh(an)s dag baptiste in de(m)
som(er) neiste kompt geschee dez nit so sol johan von wultz vorg(enant) sin gulde uff dem dorff zu temitz
vorg(enant) wairten als sine bryff haldent auch sprech(e)n wir v(er)cluede vorg(enant) daz alle vientschafft abe gedan
sol sin von beyden ptigen vorg(enant) alle argelist und geude und boise funde dy yetzunt sint und her
nachmals funden mochte(n) werden usz gescheide und daz zu eyne(m) urkunde und gantz sichert all(er)
vorgeschriuen sachn han wir v(er)cluede vorg(enant) uns(er) yetlich besund(er) sin jngesigel an dysen bryff ge
hange der gegebn ist nach gotz geburthe druzehen hund(er)t und in de(m) eyn und achtzigistem jair uff
den nesten dag nach sent katherin(e) dage d(er) heilige(n) junffrauwen