Badatelský katalog

Procházet listiny

Začněte jednoduchým hledáním. Filtry zpřesněte až podle badatelské otázky.

R5_WEAK

IlluminierteUrkunden|1478-04-19_Wien

Zdroj: MonasteriumAI paleografieAI interpretace
Strana 1 / 3
IlluminierteUrkunden|1478-04-19_Wien, strana 1
Zobrazení
Transkriptgemini-3.1-pro-preview
Wir Friderich von gottes gnaden Romischer kaiser Zuallennzeitten merer des Reichs Zu Hungern Dalmacia Croacien (etc) kunig Erczherzog Zu Osterreich
Zu Steir Zu kerndten vnd Zu Crain herre auf der windischenmarch vnd Zu Portenaw Graue Zu habspurg Zu Tirol Zu phiert vnd Zu kiburg Marggraue Zu Purgaw vnd Lanntgraue im Elsas (etc) Bekennen offennlich mit disem brieue vnd
tun kunnt allen denenn die Ine sehen lesen oder hörn lezn vnd allermennclich Das vnns der hochgeborn Maximilian Erczherzog Zu Osterreich Zu Burgundi Zu Steir Zu kerndten Zu Crain Zu brabant Zu lothringen Zu lymburg Zu luczemburg vnd
Zu Gellern Graue Zu habspurg Zu Tirol Zu flandern Zu Burgundi Zu phiert Zu kiburg Zu holland Zu Selland Zu Arthoß Zu Namur vnd Zu Zutphen Pfallzgraue Zu hanegaw Marggraue des heiligen Reichs vnd Zu Purgaw Lanntgraue
in Elsas herre auf der Windischen march Zu Portenaw Zu friesen Zu Salm vnd Zu Mecheln vnns lieber Sun vnd furst durch sein treffennlich mercklich botschafft vnd Anwelde hat furbringen lassen Wiewol Er sich In vnns als Romischen kaiser
seine vnd seiner lannd Regalia lehen vnd weltlichen aus vnnsern hannden Zuempfahen Inseinen beuelch als Er dann detutun schuldig sey So mocht Er doch des mercklicher kriegsläuff halben damit Er von dem kunig von franckreich beladen wer
die zeitt nit bekomen Vnd vnns diemuticlich anrueffen vnd gebetten das wir Ime auch der hochgebornnen Maria herczogin Zu Burgundi (etc) vnnser lieben tochter seinem Gemahel vnd Ir beider Elichen leibserben die Herczogthumb Brabant
Lothringen lymburg luczemburg vnd Gellern die Graueschafft flandern soul der von dem heiligen Reich Zulehen geet auch die Graueschafften Burgundi holland Selland Namur vnd Zutphen die pfallzgraueschafft hanegaw des heiligen
Romischen Reichs Marggraueschafft die herrschafften frieslannd Salm vnd Mecheln mit anndern Graueschafften vnd herrschafften vnd allen vnd yeglichen den Regalien lehen weltlichen oberkaiten Mannschafften lehenschaften geystlichen
vnd weltlichen herrlichaiten oberkaiten Eerten Bergwercken wildpannen Weydneren Eeen Rechten vnndern Iuden hohen vnd Nidern Geriichten Gerechtigkaiten nuczen gulten gfellen vnd allen anndern Rechten vnd gerechtigkaiten darzu ge
hörnde so weylant der hochgeborn karle Herczog Zu Burgundi (etc) seliger gedechtnuß Ir beider Sweher vnd vater Inngchabt vnd verlassen hat vns Ine von vnns vnd dem heiligen Reich Zulehen Zuempfahen gebueten Durch vnns kaiserlich brief
Zudauchen vnd Zuleihen gnediclich geruaiten So haben wir angesehen sein diemutig Zimbich bete auch die stetten lauttern getrewen vnd nuczlichen dinst damit Er sich ggen vnns vnd dem heiligen Romischen Reich willig erbeuttet
Vnd als vnns nit Zuweidt gezwelichen vnd gar tu werdt vnd wol tun mag vnd sol Vnd haben darumb mit wolbedachtem mut guter Zeittiger vorbetrachtung vnd Ratt vnd aus rechter wissen den genanndten vnsrn lieben Sone vnd furstn
Erczherzog Maximilian auch der vorgenanndten Maria vnnser lieben tochter seinem Gemahel vnd Ir beider Elichen leibserben die gemelten Herczogthumb brabant lothringen lymburg luczemburg vnd Gellern die Graueschafft flandern soul
der von dem heiligen Reich Zulehen rüert auch die Graueschafften Burgundi holland Selland Namur vnd Zutphen die pfallzgraueschafft hanegaw die Marggraueschafft des heiligen Romischen Reichs die herrschafften frieslannd
Salm vnd Mecheln mit anndern Graueschafften vnd herrschafften vnd allen Irn Regalien lehen weltlichen oberkaiten Mannschafften lehenschaften geystlichen vnd weltlichen herrlichaiten oberkaiten Eerten Bergwercken wild
pannen weydneren Eeen Rechten vnndern Iuden hohen vnd Nidern Geriichten Gerechtigkaiten nuczen gulten gfellen vnd allen anndern Irn Rechten vnd gerechtigkaiten darzu gehörnde nichts außgenomen Zulehen gnediclich gedaucht
vnd gelihen dauchen vnd leihen Ine die auch von Romischer kaiserlicher macht volkomenhait aus aigner wissen hie vnd in crafft diß vnsers kaiserlichen briefs von vns alls Romischer kaiser von Reich billichait vnd aus sonndern gnaden
Inen daran Zudauchen vnd Zuleihen gaben sollicher massen Also das sy die nun hinfur von vnns vnd dem heiligen Reich in lehensweise Innehaben hallten besiczen nuczen niessen vnd gebrauchen sollen vnd mugen als solicher lehen
Recht gewonhait vnd herkomen ist on mennclichs Irrunng hindernuß vnd widersprechen Der vorgenannt vnns lieber Sone vnd furst sol auch darauf fur sich selbs vnd an stat des genanndten seines Gemahels von solicher Regalia
vnd lehen wegen Zwisschen hie dat diß briefs vnd Sannt Michels tag schirstkunfftig Dem hochwirdigisten In got vater herrn Geörgen der heiligen Romischen kirchen Cardinal vnsrn lieben freunde an vnnser stat vnd in vnnserem
namen gewonlich gslubd vnd Eydt tun als sich von solicher lehen vnd Regalia wegen geburt Doch das Er sich an stat sein vnd der genanndten seines Gemahel so das sich also begeben mag Zu vnns oder vnsern nachkomen
am Reich Romischen kaisern oder kunigen phersonlichen fuge Vnd die gemelten Ir beider Regalia von vnns oder den selben vnsrn nachkomen am Reich empfahe Auch vnns oder den selben vnsrn nachkomen darumb gewonliche
glubd vnd Eydt tu Vnd gebietten darauf allen vnd yeglichen der obgemelten Herczogthumb Graueschafften pfallzgraueschafft herrschafften vnd lannden preleten Grauen freyen herrn Rittern knechten denenn vom
Adel Stetten vnd lanndtschafften mainen Ratschutten Burgermeisteren Richten den Reten kaiseren vögten burgern Gemainden hinndersessen vnd vndertanen in was wirden statts oder wesens die sein ernstlich vnd vestichlich
mit disem brieue Das sy dem genanndten vnsrn lieben Son Erczherzog Maximilian als Irem rechten naturlichen herrn auch der gemelten Maria vnsrn lieben tochter seinem Gemahel vnd Ir beider Elichen leibserben getrew
gehorsam vnd gewerttig sein sy der gemelten Ir Herczogthumb Graueschafften vnd herrschafften vnd Irer Regalia vnd lehen geruelich gebrauchen vnd geniessen lassen vnd Inen die nit tun noch yemandts Zutun gestatten in kain weise
als lieb Ine vnd Ir yeden sey vnns vnd des Reichs swer vngnad vnd Straffe Zuuermeiden Mit vrkunt diß briefs besigelt mit vnsrn kaiserlichen Maiestat anhangendem Innsigel Geben Zu Grecz am Newnzehenden
tag des monets Aprilis Nach Cristi gepurdt vierzehenhundert vnd im Achtundsibenczigisten Vnnserer Reiche des Romischen im Newnunddreissigisten Des kaiserthumbs im Sibennundzwainczigisten vnd des hungrischen
im Zwayundzwainczigisten Iare

Vědecké značení transkriptu

(text)
Rozvedená zkratka; písmena v závorkách jsou doplněna.
~text~
Mírná nejistota.
|text|
Vážná nejistota.
¦text¦
Velmi nejisté čtení.
<text>
Kontextová rekonstrukce, která není bezpečně viditelná.
# / #3w
Viditelný, ale nečitelný text.
^3w^ / ^2l^
Fyzicky chybějící nebo poškozený úsek.